১। উত্তৰ লিখা-
ক।কিমান শতিকাত আহোম সকল অসমলৈ আহিছিল?
উত্তৰ:- ত্ৰয়োদশ শতিকাত।

খ। চুকাফা অসমত আহোতে লগত অনা মন্ত্ৰী দুজন কোন আছিল?
উত্তৰ:- বুঢ়াগোহাঁই আৰু বৰগোহাঁই।

গ।মুলাগাভৰু কোন আছিল?
উত্তৰ:- ফ্ৰাচেংমুং বৰগোহাঁইৰ পত্নী।

ঘ।কিমান খ্ৰীষ্টাব্দত গদাধৰ সিংহ আহোম সিংহাসনত বহে?
উত্তৰ:- ১৮৬৯ খ্ৰীষ্টাব্দত।

ঙ।কোচ ৰজা নৰনাৰায়ণে কিমান খ্ৰীষ্টাব্দত আহোম ৰাজ্য আক্ৰমণ কৰিছিল?
উত্তৰ:- ১৫৬২ খ্ৰীষ্টাব্দত।

চ।চুটিয়াসকলৰ শ্ৰেষ্ঠ ৰজা কোন?
উত্তৰ:- ৰত্নধ্বজ পাল বা গৌৰী নাৰায়ণ।

২। ক্ৰমানুসাৰে সজোৱা-
ক।ইয়ান্ডাবু সন্ধি।
খ। হুছেইন শ্বাহৰ কামৰূপ কমতা আক্ৰমণ।
গ। শৰাইঘাটৰ যুদ্ধ।
ঘ।মিৰজোমলাৰ অসম আক্ৰমণ।
ঙ। স্বৰ্গদেউ চুকাফাৰ চৰাইদেউত ৰাজধানী স্থাপন।
চ।ইখতিয়াৰ উদ্দিন মালিক উজবেগ তুঘ্ৰিল খাঁৰ কামৰূপ আক্ৰমণ।
উত্তৰ:- ঙ,চ,খ,ঘ,গ আৰু ক।

৩। শুদ্ধ/অশুদ্ধ বিচাৰ কৰা-
ক। আহোমসকলে অসমলৈ অহাৰ পৰা ইয়াণ্ডাবু সন্ধিলৈ এই সময়ছোৱা অসম বুৰঞ্জীৰ মধ্যযুগ।
উত্তৰ:- শুদ্ধ।

খ।চুডাংভা বা বামুণী কোঁৱৰৰ দিনৰ পৰা স্বৰ্গদেউসকলে হিন্দু নাম গ্ৰহণ কৰে।
উত্তৰ:- অশুদ্ধ।

গ।মিৰজুমলাৰ অসম আক্ৰমণৰ সময়ত লেখক চিহাবুদ্দিন তালিছ অসমলৈ আহিছিল।
উত্তৰ:- শুদ্ধ।

ঘ। কছাৰী ৰজা গোবিন্দচন্দ্ৰৰ দিনত কছাৰী ৰাজ্য বৃটিছৰ অধীনস্থ হয়।
উত্তৰ:- শুদ্ধ।

ঙ।চুটীয়াসকল বৈষ্ণৱ ধৰ্মী আছিল।
উত্তৰ:- অশুদ্ধ।

চ। কামৰূপ আক্ৰমণৰ সময়ত তুৰ্কী-আফগানসকলক ভূঞাসকলে সহায় কৰিছিল।
উত্তৰ:- অশুদ্ধ।

৪।খালী ঠাই পূৰোৱা-
ক। আহোমসকল অসমলৈ অহাৰ পিছৰে পৰা কামৰূপ ৰাজ্যখন __নামেৰে পৰিচিত হয়।
উত্তৰ:- অসম।

খ। আহোমসকলে__নামৰ দেৱতাক পূজা সেৱা কৰিছিল।
উত্তৰ:- চোমদেউ।

গ।__স্বৰ্গদেউ চুহুংমুং বা দিহিঙ্গীয়া ৰজাৰ হিন্দু নাম।
উত্তৰ:- স্বৰ্গ নাৰায়ণ।

ঘ।সন্ধাই কামৰূপৰ ৰাজধানী উত্তৰ গুৱাহাটীৰ পৰা__ লৈ স্থান্তৰিত কৰে।
উত্তৰ:- কমতাপুৰলৈ।

ঙ।__চুটিয়াসকলৰ আটাইতকৈ শক্তিশালী ৰজা আছিল।
উত্তৰ:- ৰত্নধ্বজ পাল বা গৌৰী নাৰায়ণ।

চ।__ শব্দৰ অৰ্থ হ'ল মাটিৰ মালিক।
উত্তৰ:- ভূঞা।

৫। উত্তৰ লিখা-
ক। কেতিয়া,কোনে আৰু কেনেকৈ অসমত আহোম ৰাজ্য স্থাপন কৰিছিল?
উত্তৰ:- ত্ৰয়োদশ শতিকাত, চুকাফাই আহোম ৰাজ্য স্থাপন কৰিছিল।
   ১২২৮ খ্ৰীষ্টাব্দত পাটকাই পৰ্বত অতিক্ৰম কৰি চৰাইদেউত ৰাজধানী স্থাপন কৰালৈ এই সময়ছোৱাত চুকাফাই খোলঞ্জীয়া লোকসকলৰ বহু প্ৰত্যাহ্বানৰ সৃষ্টি হৈছিল। চুকাফাই এই লোকসকলক কৌশলেৰে বধ কৰি নিজৰ অধীনস্থ কৰিছিল।এই সময়ত দিখৌ আৰু দিচাং নৈৰ মাজৰ ঠাইখিনি মৰাণ আৰু বৰাহী দুটা জনজাতিৰ অধীনত আছিল। মৰাণ আৰু বৰাহীসকলক নিজৰ অধীনস্থ কৰি তেওঁলোকৰ তিৰোতাৰ পানী গ্ৰহণ কৰিছিল।

খ। শৰাইঘাটৰ যুদ্ধ কাৰ কাৰ মাজত হৈছিল? ইয়াৰ ফলাফল কি হ'ল?
উত্তৰ:- শৰাইঘাটৰ যুদ্ধ আহোম আৰু মোগলৰ মাজত হৈছিল।
   এই যুদ্ধত মোগল সেনা পৰাজিত হৈছিল আৰু আহোমে হেৰুৱা মান ,যশ উদ্ধাৰ কৰিছিল।

গ।বীৰ চিলাৰায় কোন আছিল? তেওঁ কি কি ৰাজ্য জয় কৰিছিল?
উত্তৰ:- বীৰ চিলাৰায়ৰ অন্য এটা নাম শুক্ৰধ্বজ।
কোচসকলৰ শ্ৰেষ্ঠ ৰজা নৰনাৰায়ণৰ ৰাজত্বকালত
তেওঁৰেই ভায়েক শুক্ৰধ্বজক সেনাপতি পাতিছিল। শুক্ৰধ্বজে চিলাৰ দৰে অতৰ্কিতে আক্ৰমণ কৰি ৰাজ্য জয় কৰিছিল বাবে তেওঁ বুৰঞ্জীত চিলাৰায় নামেৰে জনাজাত।
      তেওঁ আহোম ৰাজ্য,কছাৰী, মণিপুৰ, জয়ন্তীয়া, ত্ৰিপুৰা,খৈৰাম,ডিমৰুৱা,শ্ৰীহট্ট আদি ৰাজ্য জয় কৰিছিল।

ঘ।বাৰভূঞাসকল কোন?
উত্তৰ:- অসমত বাৰভূঞাসকলৰ সম্পৰ্কে বহুতো কাহিনী আছে। কিছুমানৰ মতে কামৰূপ ৰাজ্যৰ
পূৰ্বৰ শাসন ব্যৱস্থাত ৰজাৰ পৰা ৰাজহ মুক্ত হোৱা সামন্তসকলেই পৰৱৰ্তী সময়ত ভূঞা হিচাপে প্ৰতিষ্ঠিত হয়। ভূঞা শব্দৰ অৰ্থ হ'ল মাটিৰ মালিক।অসমৰ ভূঞাসকল মূলতঃ ভূঞাসকলক বাৰভূঞা বুলি জনা যায়।

ঙ। কছাৰীসকল কোন?
উত্তৰ:- কছাৰীসকল অসমৰ অতি পুৰণি অধিবাসী। ইতিহাসবিদৰ মতে কছাৰীসকল কামৰূপ ৰাজ্যত শাসন কৰিছিল। তেওঁলোকৰ শাসন বৰ্তমান বাংলাদেশৰ চিলেট,মৈমন সিং আদিকে ধৰি সাগৰৰ পাৰত বিস্তৃত হৈ আছিল। চুতীয়া,কোচ,ত্ৰিপুৰী, শৰণীয়া,গাৰো,ৰাভা,লালুং,ডিমছা জনগোষ্ঠীসকল আদিতে এই কছাৰী জাতিৰ অন্তৰ্ভূক্ত আছিল।

১। উত্তৰ দিয়া-
ক।ভক্তিবাদ বুলিলে কি বুজা?
উত্তৰ:- ভগমানৰ লগত মানৱ আত্মাৰ মিলন, ঈশ্বৰৰ প্ৰতি আঘাত প্ৰেম তথা ভক্তিৰ ওপৰত গুৰুত্ব দি মহাপুৰুষসকলে যি মতবাদৰ সৃষ্টি কৰিছিল সেয়াই ভক্তিবাদ।

খ।ভক্তিবাদ আন্দোলন গঢ়ি উঠাৰ দুটা কাৰণ কি কি?
উত্তৰ:-১। খ্ৰীষ্টীয় শতিকাত দক্ষিণাত্যৰ  তামিল ৰাজ্যত আলভাৰচ আৰু নায়নাৰ নামৰ দুটা সম্প্ৰদায়ৰ দুটাৰ পৃষ্ঠপোষকতাত ভক্তিবাদ আন্দোলন গঢ়ি উঠিছিল।
২। মধ্যযুগত ইছলাম ধৰ্মৰ অৰ্ভিভাৱে ভক্তি আন্দোলন জাগৰণত অৰিহণা যোগাইছিল।

গ।দিব্য প্ৰবন্ধম কি?
উত্তৰ:- আলভাৰছসকলৰ গীত,মাত,মৌখিক সাহিত্যৰ কীৰ্তীৰাজী পৰৱৰ্তীকালত সংকলিত ৰূপত প্ৰকাশ পায়।আলভাৰছ সকলৰ এই সংকলিত সাহিত্য সম্ভাৰকে দিব্য প্ৰবন্ধম বোলে।

ঘ। উত্তৰ ভাৰতত ভক্তি আন্দোলনৰ গুৰিধৰোঁতা চাৰিগৰাকী ব্যক্তিৰ নাম লিখা।
উত্তৰ:- নানক,তুলসীদাস, কবীৰদাস আৰু ৰামানন্দ।

ঙ। শংকৰদেৱৰ মতে মানুহে কেনেকৈ মুক্তি লাভ কৰিব পাৰে।
উত্তৰ:- ঈশ্বৰৰ ওচৰত একান্ত বিশ্বাস তথা নাম ভক্তিৰ দ্বাৰাই মানুহে মুক্তি লাভ কৰিব পাৰে।

২। উপযুক্ত শব্দেৰে তলৰ খালী ঠাই পূৰ কৰা-
ক। শংকৰাচাৰ্য আছিল___বিশ্বাসী।
উত্তৰ:- অদ্বৈতবাদত।

খ। খ্ৰীষ্টীয়___পৰা ভাৰতত ইছমান ধৰ্মাৱলী তুৰ্কী আফগানসকলৰ আৰ্বিভাৱ ঘটিছিল।
উত্তৰ:- নৱম শতিকাৰ।

গ।ৰামানন্দৰ মূল উপাস্য দেৱতা আছিল__।
উত্তৰ:- বিষ্ণুৰ অৱতাৰ ৰাম।

ঘ। তুলসীদাসক__বুলি গণ্য কৰিছিল।
উত্তৰ:- বাল্মিকীৰ অৱতাৰ।

ঙ।গীত গোবিন্দত শ্ৰী কৃষ্ণৰ লীলাৰ__আৰু গৰিমা প্ৰচাৰ কৰা হৈছে।
উত্তৰ:- প্ৰশংসা।

৩।চমু টোকা লিখা-
ক। শংকৰাচাৰ্য
উত্তৰ:- দক্ষিণ ভাৰতত কেৰেলা ৰাজ্যত শংকৰাচাৰ্যৰ নেতৃত্বতে ভক্তিবাদৰ জন্ম হৈছিল। শংকৰাচাৰ্য আছিল অদ্বৈতবাদত বিশ্বাসী। তেওঁৰ মতে আত্মা আৰু পৰমাত্মাৰ কোনো পাৰ্থক্য নাই। মানুহৰ মাজতে ভগৱান বিদ্যমান।

খ।জ্ঞানদেৱ
উত্তৰ:- উত্তৰ পশ্চিম ভাৰতৰ মহাৰাষ্ট্ৰত জ্ঞানদেৱৰ নেতৃত্বত ১০ শতিকাত ভক্তি আন্দোলন সূচনা হয়।জ্ঞানদেৱে গীত মাতৰ দ্বাৰাই ভগৱানৰ ভক্তিৰ বাণী জনসাধাৰণৰ মাজত প্ৰকাশ কৰিছিল। প্ৰচলিত সমাজ ব্যৱস্থাৰ জাতিভেদ প্ৰথা,ধনী-দুখীয়া আদি বৈষম্যবোৰ আতৰ কৰি সহজ সৰল বন্ধুত্বপূৰ্ণ জীৱন যাপনত গুৰুত্ব দিছিল।

গ।ৰামানন্দ
উত্তৰ:- উত্তৰ ভাৰতত বিশেষকৈ হিন্দীভাষী অঞ্চলত ভক্তি আন্দোলনৰ প্ৰচাৰক আছিল ৰামানন্দ। তেওঁ এগৰাকী পন্ডিত আৰু সমাজ সংস্কাৰক আছিল। তেওঁৰ ভক্তি মাৰ্গৰ মূল উপাস্য দেৱতা আছিল বিষ্ণুৰ অৱতাৰ ৰাম।

ঘ।নানক
উত্তৰ:- উত্তৰ ভাৰতত ভক্তি মাৰ্গৰ প্ৰচাৰ কৰোতাসকলৰ অন্যতম আছিল গুৰু নানক। কবীৰৰ ভক্তিমাৰ্গে তেখেতক বৰকৈ প্ৰবাহিত কৰিছিল।নানকে হিন্দু ধৰ্মত প্ৰচলিত মূৰ্তিপূজা আৰু জাতিভেদ প্ৰথাক বিশ্বাস নকৰিছিল।

ঙ।মীৰাবাঈ
উত্তৰ:- ১০ শতিকাত উত্তৰ পশ্চিম ভাৰতত ভক্তি আন্দোলন গঢ়ি উঠে। গুজৰাট আৰু ৰাজস্থানত আন কেইগৰাকীমান সাধকৰ সৈতে মীৰাবাঈয়েও ভজন কীৰ্তন জৰিয়তে ভগৱানৰ গুণানুকীৰ্তন জনসাধাৰণৰ মাজত বিলাইছিল। জনসাধাৰণৰ মাজত এই ভক্তিমাৰ্গে যথেষ্ঠ জনপ্ৰিয়তা অৰ্জন কৰিছিল।

৪।আলভাৰচসকল কোন? তেওঁলোকৰ মূল ধৰ্মমত কি আছিল?
উত্তৰ:- খ্ৰীষ্টীয় সপ্তম শতিকাত দক্ষিণাত্যৰ তামিল ৰাজ্যত ভক্তিবাদ আন্দোলন গা কৰি উঠাৰ মূলতে আছিল আলভাৰছ নামৰ সম্প্ৰদায়টো। আলভাৰছ সকল ভগৱান বিষ্ণুৰ উপাসক আছিল। তেওঁলোকৰ মতে বিষ্ণু শ্ৰেষ্ঠ আৰু সৃষ্টিৰ মূল।

৫।চুফিবাদৰ মূলমন্ত্ৰ কি আছিল? ভাৰতত চুফিবাদ প্ৰসাৰত ভূমিকা লোৱা দুগৰাকী ব্যক্তিৰ নাম উল্লেখ কৰা।
উত্তৰ:- চুফিবাদৰ মূলমন্ত্ৰ হৈছে- একে ভগৱানকে উপাসনা কৰা।
    চুফিবাদ প্ৰসাৰত ভূমিকা লোৱা দুগৰাকী ব্যক্তিৰ নাম হ'ল- নিজামুদ্দিন আউলিয়া আৰু মইনুদ্দিন চিস্তি।

৬।কবীৰ কিয় হিন্দু আৰু ইছলাম ধৰ্মী সকলো লোকৰ মাজত জনপ্ৰিয় আছিল?
উত্তৰ:- কবীৰ মুছলমান তাঁতী পৰিয়ালৰ এটাত ডাঙৰ দীঘল হৈছিল। অন্যান্যসাধসকলৰ দৰে তেওঁ এক ভগৱানৰ উপাসক আছিল। ভগৱানক তেওঁ ৰাম,হৰি,খোদা,আল্লা আদি বিভিন্ন নামেৰে অভিহিত কৰিছিল। কবীৰে ভক্তিৰসৰ কবিতাৰ যোগেদি ভক্তি ধৰ্ম প্ৰচাৰ কৰিছিল জনসাধাৰণৰ মাজত এই কবিতাসমূহে যথেষ্ঠ সমাদৰ লাভ কৰিছিল।

৭। ভক্তি আন্দোলনৰ নেতাসকলে ধৰ্মৰ উপৰি সমাজ সংস্কাৰৰ কাম হাতত লোৱাৰ উদ্দেশ্য কি আছিল?
উত্তৰ:- মধ্যযুগত ভাৰতৰ সমাজ ব্যৱস্থাৰ ধৰ্মৰ দিশৰ পৰা বহুতো প্ৰত্যাহ্বানে গা কৰি উঠিছিল। বিশেষকৈ হিন্দু ধৰ্মৰ কঠোৰ নীতি নিয়ম, জাতিভেদ, প্ৰথা, ধনী-দুখীয়া,উচ্চ নীচ পাৰ্থক্যই সমাজৰ নিম্ন শ্ৰেণীৰ লোকক বাৰুকৈয়ে অতিষ্ঠ কৰি তুলিছিল। তেওঁলোকে ইয়াৰ পৰা মুক্তি বিচাৰিছিল।

৮। ভাৰতবৰ্ষত ভক্তি আন্দোলন জনপ্ৰিয় হোৱাৰ কাৰণ কি?
উত্তৰ:- ভাৰতবৰ্ষত সমাজ সংস্কাৰৰ দিশত ভক্তি আন্দোলনে বিশেষ প্ৰভাৱ পেলাইছিল।এই আন্দোলনৰ ফলত সমাজৰ জাতিভেদ, প্ৰথা, ধনী-দুখীয়া, উচ্চ নীচ আচাৰ অনুষ্ঠানৰ বাহুল্যতা বহুখিনি হ্ৰাস পাইছিল।উদাৰ মানৱীয় দৃষ্টিভংগী ভক্তিবাদৰ ভেটি হোৱাৰ বাবে নাৰীয়েও পুৰুষৰ লগে লগে সমানে ধৰ্ম প্ৰচাৰ কৰাৰ সুযোগ লাভ কৰিছিল।

১।চমু উত্তৰ দিয়া-
ক।স্কেল বা মাপনী বুলিলে কি বুজা?
উত্তৰ:- মানচিত্ৰত দুখন ঠাইৰ মাজৰ দূৰত্ব আৰু ভূ-পৃষ্ঠত সেই ঠাই দুখনৰ মাজৰ দূৰত্বৰ অনুপাতকে স্কেল বা মাপনী বোলে।

খ। ভৌগোলিক তথ্য ব্যৱস্থা বুলিলে কি বুজা?
উত্তৰ:- যিটো ব্যৱস্থাই তথ্যসংগ্ৰহ,পৰীক্ষণ, বিশ্লেষণ, প্ৰদৰ্শন আদি কাৰ্য পৃথিৱীৰ বিভিন্ন স্থানৰ পৰিপ্ৰেক্ষীতত নিয়াৰিকে কৰে তাকে ভৌগোলিক তথ্য ব্যৱস্থা বোলে।

২।শুদ্ধ উত্তৰটো লিখা-
ক। দ্ৰাঘিমাংশ আৰু অক্ষাংশৰ ভিত্তিত প্ৰথমতে মানচিত্ৰ অংকন কৰিছিল-
১।ইৰাট'স্থেনিচে
২।ট'লেমিয়ে
৩।কাৰ্ল'ৰিটাৰে
উত্তৰ:- ট'লেমিয়ে।

খ।১/১০,০০০ এনেদৰে প্ৰকাশ কৰা স্কেলবিধ হ'ল-
১। নিৰূপক ভগ্নাংশ,
২। ৰৈখিক স্কেল,
৩। ভাষাৰ স্কেল
উত্তৰ:- নিৰূপক ভগ্নাংশ।

গ। আটাইতকৈ প্ৰাচীন মানচিত্ৰ উদ্ধাৰ হৈছে-
১।মিছৰত,
২।মেছ'প'টেমিয়াত
৩। চীনত
উত্তৰ:- মেছ'প'টেমায়াত।

৩। বহলাই লিখা-
মানচিত্ৰ অংকনৰ ক্ৰমবিকাশৰ সম্বন্ধে এটি টোকা লিখা।
উত্তৰ:- মানৱ সভ্যতাৰ ক্ৰম বিকাশৰ আৰম্ভণিৰে পৰা মানচিত্ৰ বনোৱাৰ বাবে চেষ্টা চলাই আছে। আটাইতকৈ প্ৰাচীন মানচিত্ৰ উদ্ধাৰ হৈছে- মেছ'প'টেনিয়াম (বৰ্তমানৰ ইৰাকত)। এই মানচিত্ৰ টোকাটা ফলকত অংকিত কৰা হৈছিল।মিছৰত এনে মানচিত্ৰ প্ৰস্তুত কৰা হৈছিল।তেওঁলোকে নীলনদীৰ বানাক্ৰান্ত অঞ্চলৰ মানচিত্ৰ অংকন কৰিছিল। খ্ৰীষ্টপূৰ্ব দ্বিতীয় শতাকাত চীন দেশত স্কেলৰ ধাৰণাৰে মানচিত্ৰ অংকন কৰা হৈছিল। তেওঁলোকে পাটৰ কাপোৰত নদ-নদী, পাহাৰ পৰ্বত,ৰাস্তাঘাট দেখুৱাই মানচিত্ৰ অংকন কৰিছিল।

১। চমু উত্তৰ দিয়া-
ক। ব্ৰহ্মপুত্ৰ নৈৰ উৎসৰ হিমবাহটোৰ নাম কি?
উত্তৰ:- চেমা-য়ুং-দুং হিমবাহ।

খ। ব্ৰহ্মপুত্ৰ নৈৰ মুঠ দৈৰ্ঘ্য কিমান?
উত্তৰ:- ২,৯০৬ কিলোমিটাৰ।

গ। ব্ৰহ্মপুত্ৰৰ উৎস কোন ৰাষ্ট্ৰত আছে?
উত্তৰ:- তিব্বত।

ঘ।উচ্চগতি অঞ্চলত নদীৰ গতিপথৰ আকৃতি কেনেকুৱা?

উত্তৰ:- ইংৰাজী V আকৃতিৰ দৰে হয়।
 
ঙ। ব্ৰহ্মপুত্ৰ নৈ কি কি ৰাষ্ট্ৰৰ মাজেৰে বৈ গৈছে?
উত্তৰ:- তিব্বত,চীন, ভাৰত আৰু বাংলাদেশ।

২। শুদ্ধ উত্তৰটো লিখা-
ক। গিৰিখাত নিম্নভূমি/ মোহনা/ উচ্চভূমি অঞ্চলৰ ভূ-আকৃতি।
উত্তৰ:- উচ্চভূমি।

খ। নৈৰ গুম্ফিত ৰূপ সাধাৰণতে পৰ্বত/ সমভূমি/ মালভূমিত দেখা যায়।
উত্তৰ:- সমভূমি।

গ। প্লাৱনভূমিত থকা চৰ-চাপৰি নৈৰ খনন/পৰিবহণ/অৱক্ষেপণৰ ফলত সৃষ্টি হয়।
উত্তৰ:- অৱক্ষেপন।

ঘ। বৰাক নৈ অসমৰ ২/৩/৪খন জিলাৰ মাজেৰে বৈ গৈছে।
উত্তৰ:- ৩ খন।

৩। সোঁফালৰ লগত বাওঁফাল মিলোৱা-
ক। চাংপো                 ক। একা বেঁকা গতি পথ
খ।অৰুণাচল প্ৰদেশ    খ।মাজুলী
গ।সৰ্পিল                    গ। চিয়াং
ঘ।কলং                      ঘ।তিব্বত
ঙ।নদীদ্বীপ                ঙ।সুঁতি

উত্তৰ:- ক আৰু ঘ।
       খ আৰু গ।
       গ আৰু ক।
       ঘ আৰু ঙ।
       ঙ আৰু খ।
       
৪। চমু টোকা লিখা-
ক। নৈৰ উচ্চগতি অংশৰ কাৰ্য।
উত্তৰ:- নদী এখন পাহাৰ বা পৰ্বতৰ পৰা নামি বা বৈ অহা অংশক উচ্চগতি বুলিব পাৰি। পাহাৰ পৰ্বতৰ থিয় ঢালেদি বৈ আহোঁতে নদীৰ গতীবেগ বেছি হয় আৰু নদীৰ তলীখনত বেছি হয়।এই অংশত নদীয়ে শিল,বালি আৰু মাটি কঢ়িয়াই আনে।

খ। নৈৰ মধ্য গতিঅংশৰ খনন কাৰ্য
উত্তৰ:- কম ঢালৰ ভূমিভাগেৰে বৈ যোৱা বাবে এই অংশত নদীৰ গতি ধীৰ ।এই অংশৰ নদীৰ গেত  পৰিবহন ক্ষমতা কম হয়।ফলত পাহাৰ বা পৰ্বতৰ পৰা সোঁতত কঢ়িয়াই অনা শিল,বালি,মাটি নদীয়ে সমভূমি অঞ্চলত জমা কৰে। নদীৰ খনন ক্ষমতা কম হয়।

গ। নৈৰ নিম্নগতি অংশৰ কাৰ্য
উত্তৰ:- নিম্নগতিত নৈখন সাগৰ বা মহাসাগৰত পৰেগৈ। নিম্নগতিত নদীৰ গতি অতি ধীৰ হয় নদীখনৰ শাখা প্ৰশাখা বেছি হয়। নদীয়ে লৈ যোৱা সোঁতত লৈ যোৱা বালি,মাটি আৰু বোকা ইয়াৰ মোহনাত অৱক্ষেপন কৰে। ইয়াৰ ফলত অসমীয়া ব আকৃতিৰ দৰে দ্বীপৰ সৃষ্টি হয়। এই দ্বীপবোৰকব দ্বীপ বোলে।

ঘ।বৰাক নৈৰ গতিপথ
উত্তৰ:- বৰাক নৈখন মণিপুৰৰ মৰাম অঞ্চলৰ পৰা উৎপত্তি হৈ অসমত প্ৰৱেশ কৰি বাংলাদেশ হৈ বংগোপসাগৰত পৰিছেগৈ।নৈখন অসম আৰু মণিপুৰত অতি সৰ্পিল গতিপথেৰে গতি কৰিছে। কাছাৰ অংশত নৈখনৰ দূয়োফালে অসংখ্য জলাহ দেখা যায়।

৫।উৎসৰে পৰা মোহনালৈকে ব্ৰহ্মপুত্ৰ নৈৰ কোন কোন অংশত বৰ্তমান কি নামেৰে জনা যায়।
উত্তৰ:- তিব্বত- চেমা-য়ুং-দুং হিমবাহ(উৎপত্তি স্থল)
       তিব্বত- চাংপো
       অৰুণাচল প্ৰদেশ (উত্তৰ অংশ)-চিয়াং
       অৰুণাচল প্ৰদেশ (পাছিঘাট)-দিহিং
       অসম-ব্ৰহ্মপুত্ৰ
       বাংলাদেশ-পদ্মা(গংগা নদীৰ লগত মিলি)        

৬। ভাৰতৰ উত্তৰ পূব অঞ্চলৰ এখন নক্সা মানচিত্ৰ অংকন কৰি ভূ-চিত্ৰাৱলীৰ সহায়ত লৈ তলত দিয়া অবয়ৱসমূহ বহুওৱা।
১। অৰুণাচল হিমালয়
২। বৰাইল পৰ্বত
৩। কাৰ্বি মালভূমি
৪। খাছীয়া-জয়ন্তীয়া পাহাৰ
৫।নগা পাহাৰ
৬। মণিপুৰ
৭। মিজোৰাম
৮।গাৰোপাহাৰ
৯। ব্ৰহ্মপুত্ৰ
১০।সোৱনশিৰি
১১।দিবং
১২। লোহিত
১৩।পাগলদিয়া
১৪। মানাহ
১৫। দিখৌ
১৬। ধনশিৰি
১৭। বৰাক
১৮।জাতিংগা উপনৈ
১৯।ধলেশ্বৰী
২০।সোণাই
উত্তৰ:- চিত্ৰ ৭.২ চোৱা।

৭।নৈ বা উপনৈৰ দাঁতি কাষৰীয়া অঞ্চলত বাস কৰা লোকৰ সেই নৈ বা উপনৈৰ লগত সম্বন্ধ কেনেধৰণৰ হয় লিখা।
উত্তৰ:- নৈ বা উপনৈৰ দাঁতি কাষৰীয়া অঞ্চলত বাস কৰা লোকৰ সেই নৈ বা উপনৈৰ লগত এক নিবিড় সম্বন্ধ গঢ়ি উঠে। নদ-নদীৰ পানী মানুহে নিজৰ বিভিন্ন প্ৰয়োজন পুৰাববলৈ ব্যৱহাৰ কৰে। যেনে- খাদ্যৰ বাবে, খোৱা ধোৱা,কৃষি কাৰ্য বিভিন্ন উদ্যোগত ব্যৱহাৰ কৰিবলৈ নদীৰ পানীৰ প্ৰয়োজন হয়।বাৰিষাকালত নদীবোৰে প্ৰতি বছৰে এৰি থৈ যোৱা পলসৰ পৰা সৃষ্টি হোৱা প্লাৱভূমিসমূহ কৃষিকাৰ্যৰ লগত উপযোগী। খৰালি পানী কম হ'লেও নদ নদ-নদীৰ কাষত থাকিলে তাৰ পৰা পানী যোগান ধৰি কৃষি কাৰ্য সুকলমে সমাধা কৰিব পাৰি।

৮। গুৱাহাটীৰ পৰা ডিব্ৰুগড়লৈ ব্ৰহ্মপুত্ৰৰ দক্ষিণ পাৰে থকা উপনৈসমূহৰ নাম লিখা। প্ৰয়োজনবোধে শিক্ষক আৰু ভূ-চিত্ৰাৱলীৰ সহায় ল'বা।
উত্তৰ:- বুঢ়ীদিহিং,দিখৌ,ভোগদি,জাজী, ধনশিৰি,কলং, কপিলী, যমুনা আৰু ভৰলু।

১। চমু উত্তৰ লিখা-
ক। আকৰিক লো কেঁচামাল হিচাপে ব্যৱহাৰ হোৱা এবিধ উদ্যোগৰ নাম লিখা।
উত্তৰ:- লো-তীখাৰ উদ্যোগ।

খ। এবিধ ইন্ধন খনিজৰ নাম লিখা।
উত্তৰ:- খাৰুৱা তেল।

গ। ভাৰতৰ এখন কপাহ উৎপাদানকাৰী ৰাজ্যৰ নাম লিখা।
উত্তৰ:- মহাৰাষ্ট্ৰ।

ঘ। ভাৰতৰ আটাইতকৈ অধিক পৰিমাণে ব্যৱহৃত পৰিবহন সেৱাবিধৰ নাম লিখা।
উত্তৰ:- ৰেল পৰিবহন সেৱা।

ঙ। অসমত থকা আন্তৰ্জাতিক বিমান বন্দটিৰ নাম লিখা।
উত্তৰ:- লোকপ্ৰিয় গোপীনাথ বৰদলৈ আন্তৰ্জাতিক বিমান বন্দৰ(বৰঝাৰ)।

২। শুদ্ধ উত্তৰটো লিখা-
ক। বস্ত্ৰ উৎপাদনত ভাৰতৰ স্থান পৃথিৱীৰ ভিতৰত-
১। তৃতীয়,
২। দ্বিতীয়,
৩। প্ৰথম
উত্তৰ:- প্ৰথম।

খ। ভাৰতৰ প্ৰথমে ৰেল চলিছিল-
১।১৮৩৫ চনত,
২।১৯৩৫ চনত,
৩।১৮৫৩ চনত
উত্তৰ:- ১৮৫৩ চনত।

গ। ভাৰতৰ দীৰ্ঘতম ৰাষ্ট্ৰীয় ঘাইপথটো হ'ল-
১।১ নং ৰাষ্ট্ৰীয় ঘাইপথ,
২।২ নং ৰাষ্ট্ৰীয় ঘাইপথ,
৩।৭ নং ৰাষ্ট্ৰীয় ঘাইপথ
উত্তৰ:- ৭নং ৰাষ্ট্ৰীয় ঘাইপথ।

ঘ। ভাৰতৰ আটাইতকৈ বেছি পথৰ ঘনত্ব থকা ৰাজ্যিখন হ'ল-
১।অসম,
২। কেৰেলা,
৩। অন্ধ্ৰপ্ৰদেশ
উত্তৰ:- কেৰেলা।

৩। উত্তৰ লিখা-
ক। ভাৰতবৰ্ষৰ প্ৰধান খনিজ বলয়সমূহ কি কি?অসম কোনোৱা খনিজ বলয়ত অন্তৰ্ভুক্ত হয়নে?    
উত্তৰ:- উত্তৰ-পূব তৈল বলয়, উত্তৰ-পূব উপকূলীয় বলয়, উত্তৰ পশ্চিম বলয়,মধ্য বলয়, দক্ষিণ বলয় আৰু দক্ষিণ পশ্চিম বলয়।
   হয়,অসমৰ ব্ৰহ্মপুত্ৰ উপত্যকা উত্তৰ-পূব তৈল
বলয়ত অন্তৰ্ভুক্ত হৈ আছে।

খ। ভাৰতৰ পাঁচটা প্ৰধান লো-তীখাৰ নাম।
উত্তৰ:- ১।জামছেদপুৰ টাটা তীখা উদ্যোগ,
       ২।বাৰ্ণপুৰ তীখা উদ্যোগ,
       ৩।ভদ্ৰাৱতী তীখা উদ্যোগ,
       ৪।ভিলাই তীখা উদ্যোগ আৰু
       ৫।ৰুৰকেল্লা তীখা উদ্যোগ

গ। মুম্বাই-আহমেদাবাদ অঞ্চলত বয়ন উদ্যোগসমূহ কিয় গঢ়ি উঠিছে?
উত্তৰ:- বস্ত্ৰ উদ্যোগৰ বাবে প্ৰয়োজনীয় যন্ত্ৰপাতি, ৰং, ৰাসায়নিক দ্ৰব্য কপাহ আদি আমদানি কৰিবলৈ আৰু উৎপাদিত সামগ্ৰীবোৰ ৰপ্তানি কৰিবলৈ বন্দৰৰ সুবিধা থকাৰ বাবে মুম্বাই-আহমেদাবাদ অঞ্চলত বয়ন উদ্যোগসমূহ  গঢ়ি উঠিছে।

৪। বিজ্ঞান আৰু প্ৰযুক্তি বিদ্যাৰ প্ৰয়োগ স্থল,জল আৰু বায়ু পৰিবহনৰ ক্ষেত্ৰত কেনেধৰণে পৰিৱৰ্তন আনিছে লিখা।
উত্তৰ:- বিজ্ঞান আৰু প্ৰযুক্তিবিদ্যাৰ জৰিয়তে লাভ কৰা সাফল্যৰ বাবে স্থল, জল আৰু বায়ু পৰিবহন যথেষ্ট সুচল হৈ পৰিছে।দুৰ্গম অঞ্চলবোৰ স্থলপথেৰে যোগাযোগ সম্ভৱ হৈছে। কম খৰচী  জলপৰিবহন মাধ্যমেৰে এখন দেশৰ লগত আন এখন দেশৰ সামগ্ৰীৰ বেপাৰ-বাণিজ্য সম্ভৱ হোৱাৰ লগতে যাত্ৰীসকলো অহা যোৱা কৰিব পাৰিছে। বায়ু পৰিবহনৰ জৰিয়তে অতি কম সময়ৰ ভিতৰতে সা-সামগ্ৰীবোৰ বিশ্বৰ এটা প্ৰান্তৰ পৰা আন এটা প্ৰান্তত উপলব্ধ হৈছে। অৱশ্যে ই আন পৰিবহন ব্যৱস্থাৰ তুলনাত আৰামদায়ক যদিও খৰচী।

৫।পৰিবহন ব্যৱস্থা দেশ এখনৰ সিৰা- উপসিৰাস্বৰূপ। কথাষাৰৰ সমৰ্থনত তিনিটা যুক্তি আগবঢ়োৱা।
উত্তৰ:- ১। পৰিবহণ ব্যৱস্থাৰ জৰিয়তে নিত্য ব্যৱহাৰ্য খাদ্য-সামগ্ৰী আৰু বস্ত্ৰ আদি এটা অঞ্চলৰ আন এটা অঞ্চললৈ যোগান ধৰা হয়।
২। পৰিবহণ ব্যৱস্থাৰ লগত লাখ লাখ লোক প্ৰত্যেক্ষ আৰু পৰোক্ষভাৱে নিয়োজিত হৈ জীৱিকা উপাৰ্জন কৰে।
৩। পৰিবহণ ব্যৱস্থাই দেশৰ অৰ্থনৈতিক টনকিয়াল কৰাত সহায় কৰে। ৰেলসেৱাৰ জৰিয়তে দেশে ভালেখিনি ৰাজহ অৰ্জন কৰে।

৬। ভূ-চিত্ৰাৱলীৰ সহায়ত লিখা।
ক। অসমত ৰাষ্ট্ৰীয় ঘাইপথ সমূহে চুই যোৱা জিলা সমূহৰ নাম লিখা।
উত্তৰ:- তিনিচুকীয়া,ডিব্ৰুগড়, শিৱসাগৰ, যোৰহাট, গোলাঘাট,ডিফু,হাফলং,শিলচৰ, হাইলাকান্দি আৰু কৰিমগঞ্জ।

খ। ৰে'লপথে সংযোগ নকৰা উত্তৰ পূব ভাৰতৰ ৰাজ্য কেই খনৰ নাম।
উত্তৰ:- নাগালেণ্ড, মণিপুৰ, মিজোৰাম আৰু মেঘালয়

গ। ব্ৰহ্মপুত্ৰৰ উত্তৰ পাৰে ধেমাজি জিলাত থকা ৰেলপথৰ শেষৰ ৰেল ষ্টেচনটোৰ নাম।
উত্তৰ:- মোৰ্কংচেলেক।

Social Science Class 8 Lesson 5 Textual Questions and Answers in Assamese

১।তলৰ প্ৰশ্নবোৰৰ উত্তৰ লিখা
ক। মহাসাগৰীয় সোঁতৰ সৃষ্টিৰ কাৰণবোৰ কি কি?
উত্তৰ:- পৃথিৱীৰ আৱৰ্তন গতি, নিয়ৰ, বতাহ, পানীৰ উষ্ণতা, লৱণতা আৰু চাপৰ ভাৰ সাম্যতাৰ বাবে মহাসাগৰীয় সোঁতৰ সৃষ্টি হয়।

খ।গৰম পানীৰ সোঁত বুলিলে কি বুজা?
উত্তৰ:- উষ্ণমণ্ডলৰ পৰা গৰম আৰু পাতল সমুদ্ৰজল ওপৰে ওপৰে পৃষ্ঠপ্ৰবাহৰূপে শীতলমণ্ডললৈ প্ৰৱাহিত হয়। ইয়াকে গৰম পানীৰ সোঁত বোলে।

গ। সাগৰীয়া জীৱবোৰ কেইপ্ৰকাৰৰ?কিহৰ ভিত্তিত এইবোৰক শ্ৰেণী বিভক্ত কৰা হৈছে?
উত্তৰ:- সাগৰীয় জীৱবোৰক তিনিটা ভাগত ভাগ কৰা হয়-
     ১। প্লেংকটন বা প্লাৱক
     ২। বেনথ'জ আৰু
     ৩। নেকটন।

ঘ। সাগৰৰ কেনেকুৱা অঞ্চলত সাধাৰণতে মৎস্যক্ষেত্ৰ গঢ়ি উঠে?
উত্তৰ:- সাগৰৰ যিবোৰ অংশত উদ্ভিদ প্লাৱকবোৰ প্ৰচুৰ পৰিমাণে থাকে, তাতেই মৎস্যক্ষেত্ৰ গঢ়ি উঠে।

২। কাৰণ দৰ্শোৱা-
ক। নাটনি জোৱাৰ বাসন্তী জাৱাৰৰ সমান শক্তিশালী নহয়।
উত্তৰ:- নাটনি জোৱাৰ সময়ত অৰ্থাৎ সপ্তমী আৰু অষ্টমী তিথিত পৃথিৱী, চন্দ্ৰ আৰু সূৰ্যই সমকোণত অৱস্থান কৰে।এই দুদিনত চন্দ্ৰ আৰু সূৰ্য উভয়ৰ আকৰ্ষণ প্ৰৱল নোহোৱাৰ বাবে জোৱাৰ ঢৌ সিমান ওপৰলৈ নুঠে আৰু শক্তিশালী নহয়।

খ। আজিকালি পৃথিৱীৰ সকলো ঠাইতে সাগৰীয় মাছ কিনিবলৈ পোৱা যায়।
উত্তৰ:- সাগৰীয় মাছবোৰৰ চাহিদা পৃথিৱীৰ সকলো ঠাইতে আছে। তদুপৰি ধৰাৰ পিছত এইবোৰ শীতলীকৰণ ব্যৱস্থাৰে টিনৰ ভিতৰত সংৰক্ষণ কৰি দূৰ-দূৰণিৰ বিভিন্ন দেশলৈ প্ৰেৰণ কৰা হয়। সেয়েহে আজিকালি পৃথিৱীৰ সকলো ঠাইতে সাগৰীয় মাছ কিনিবলৈ পোৱা যায়।

গ। জাপানত সঘনাই ছুনামি হয়।
উত্তৰ:- মহাসাগৰৰ তলীত হোৱা ভূমিকম্প, আগ্নেয়গিৰী উদ্গীৰণৰ বাবে জাপানৰ উপকূলীয় অঞ্চলত প্ৰচণ্ড ঢৌ বা ছুনামিৰ সৃষ্টি হয়। ইয়াৰ লগতে প্ৰশান্ত মহাসাগৰত সঘনীয়া সৃষ্টি হোৱা সাগৰীয় ধুমুহাইও জাপানৰ উপকূলীয় পাৰ্শ্বৱৰ্তী অঞ্চলত ছুনামিৰ সৃষ্টি কৰে।

ঘ। বৈদেশিক বাণিজ্যৰ বাবে জাহাজ পৰিবহণ ব্যৱস্থা উৎকৃষ্ট।
উত্তৰ:- চাৰিওপিনে মুক্ত আৰু সমান বাবে স্থলপথত থকা বাধা কিছুমান জলপথত নাথাকে। তথাপি ঠাইভেদে জাহাজবোৰে কুঁৱলী, শৈলশিৰা, ধুমুহা, হিমপ্লাৱনৰ সন্মুখীন হোৱাৰ সম্ভাৱনা থাকে। বৈদেশিক বাণিজ্যৰ বাবে জাহাজ পৰিবহণ ব্যৱস্থা উৎকৃষ্ট।

৩। শুদ্ধ উত্তৰটো লিখা।
১। সাধাৰণতে শীতল পানীৰ সোঁতৰ উৎপত্তি হয়-
ক। মেৰু অঞ্চলত।  
খ। নিৰক্ষীয় অঞ্চলত।
গ। এটাও নহয়।
উত্তৰ:- নিৰক্ষীয় অঞ্চল।

২। দিনটোত দুবাৰ সাগৰৰ পানীৰ উঠা- নমা কৰাকে-
ক। সাগৰীয় সোঁত।
খ। জোৱাৰ ভাটা।
গ। ঢৌ বোলে।
উত্তৰ:- জোৱাৰ ভাটা।

৩।ছুনামি শব্দৰ অৰ্থ হ'ল-
ক। ভূমিকম্প
খ। সাগৰৰ ঢৌ
গ। পোতাশ্ৰয়ৰ ঢৌ
উত্তৰ:- পোতাশ্ৰয়ৰ ঢৌ।

৪। সাঁতুৰিব পৰা সাগৰীয় প্ৰাণীবোৰ-
ক। নেকটন
খ। বেনথ'জ
গ। প্লেংকটন শ্ৰেণীৰ
উত্তৰ:- নেকটন।

৪।সোঁফালৰ লগত বাওঁফাল মিলোৱা-

ক।ডায়েটম।            ক। উদ্ভিদ প্লেংকটন থকা ঠাইত গঢ়ি উঠে
খ।নিৰক্ষীয় অঞ্চলত।    খ।নাটনি জোৱাৰ হয়
গ। সাধাৰণ নিমখ।      গ। এবিধ উদ্ভিদ প্লেংকটন
ঘ। সপ্তমী আৰু অষ্টমী   ঘ। মহাসাগৰত পানী
   তিথিত।                       দ্ৰৱীভূত হৈ থাকে  
ঙ।মৎস্য ক্ষেত্ৰবোৰ।     ঙ। পানীৰ ঘনত্ব কম হয়

উত্তৰ:- ক আৰু গ।
       খ আৰু ঙ।
       গ আৰু ঘ।
       ঘ আৰু খ।
       ঙ আৰু ক।

Class 8 Social Science Textual  Questions and Answers in Assamese

১। উত্তৰ লিখা-
ক।বসতিক কেই ভাগত ভাগ কৰা হয়?
উত্তৰ:- ২টা ভাগত।

খ। গ্ৰামাঞ্চলৰ কিমান শতাংশ লোক কৃষি কাৰ্যৰ লগত জড়িত?
উত্তৰ:- ৭৫ শতাংশ লোক।

গ। নগৰৰ কেন্দ্ৰীয় অঞ্চলটো ঘাইকৈ কি কাৰ্ষৰ লগত জড়িত?
উত্তৰ:- ব্যৱসায় বাণিজ্যৰ ওপৰত জড়িত।

ঘ। উৎপত্তি কালৰ ভিত্তিত ভাৰতবৰ্ষৰ নগৰসমূহক কেইটা শ্ৰেণীত ভাগ কৰা হৈছে?
উত্তৰ:- ৩টা শ্ৰেণীত।

ঙ। লোকপিয়ল বিভাগে নিৰ্দিষ্ট কৰি দিয়া মতে ভাৰতবৰ্ষৰ নগৰ এখনৰ প্ৰাৰম্ভিক জনসংখ্যা কিমান হ'ব লাগে?
উত্তৰ:- ৫,৫০০ জন।

চ। অসমৰ একমাত্ৰ পৌৰনিগম পৰিচালিত মহানগৰ খনৰ নাম কি?
উত্তৰ:- গুৱাহাটী।

২। শুদ্ধ/অশুদ্ধ লিখা।
ক। নগৰীয়া বসতিতকৈ গ্ৰাম্য বসতিত জনসংখ্যাৰ ঘনত্ব অধিক।
উত্তৰ:- অশুদ্ধ।

খ। গ্ৰাম্য বসতিৰ অধিক সংখ্যক লোক চাকৰিৰ লগত জড়িত।
উত্তৰ:- অশুদ্ধ।

গ। নতুন দিল্লী এখন প্ৰশাসনিক নগৰ।
উত্তৰ:- শুদ্ধ।

ঘ। আগ্ৰা এখন নদীৰ পাৰত অৱস্থিত নগৰ।
উত্তৰ:- শুদ্ধ।

ঙ। শিলচৰ বৰাক নদীৰ পাৰত অৱস্থিত।
উত্তৰ:- শুদ্ধ।

৩। চমুকৈ উত্তৰ লিখা-
ক। গ্ৰাম্য অঞ্চলৰ বৃত্তি।
উত্তৰ:- গ্ৰাম্য অঞ্চলৰ মানুহৰ প্ৰধান বৃত্তি হ'ল- কৃষি।গাৱৰ আৱসীসকলে ধান,মাহ,সৰিয়হ,মৰাপাট আৰু ঋতু অনুযায়ী বিভিন্ন শাক-পাচলিৰ খেতি কৰে।

খ। নগৰীয়া বসতিৰ সা-সুবিধা।
উত্তৰ:- নগৰীয়া বসতি অঞ্চলত শিক্ষা, স্বাস্থ্য, যাতায়ত, কৰ্ম-সংস্থাপন আদি সকলো সা-সুবিধা পোৱা যায়। দেখা যায় নগৰবোৰত শিক্ষা গ্ৰহণৰ বাবে পৰ্যাপ্ত শিক্ষানুষ্ঠান থাকে, পৰিকল্পিত ঘৰ দুৱাৰ, দোকান সজাৰ ব্যৱস্থা থাকে আৰু যাতায়তৰ সুবিধা থাকে।

গ। নগৰত বসতি ঘন হোৱাৰ কাৰণ কি?
উত্তৰ:- নগৰত বসতি ঘন থাকে কাৰণ- নগৰত শিক্ষা গ্ৰহণৰ বাবে পৰ্যাপ্ত শিক্ষানুষ্ঠান থাকে, পৰিকল্পিত ঘৰ দুৱাৰ, দোকান সজাৰ ব্যৱস্থা থাকে আৰু যাতায়তৰ ব্যৱস্থা থাকে।

ঘ। মেগাল'পলিছ কাক বোলে?
উত্তৰ:- একোখন নগৰত কেন্দ্ৰ কৰিতাৰ উপকন্ঠ অঞ্চলত ভালেমান সৰু বৰ নগৰ লগ হৈ যি একোটা নগৰপুঞ্জৰ সৃষ্টি কৰে তাকে মেগাল'পলিছ বোলে।

৫। ভূ-চিত্ৰাৱলী চাই অসমৰ দহখন নগৰৰ নাম লিখা আৰু সেইবোৰ কোন কোন জিলাত অৱস্থিত উল্লেখ কৰা।
উত্তৰ:- ১। তেজপুৰ-শোণিতপুৰ,
       ২। শিলচৰ- কাছাৰ,
       ৩। ডিফু-কাৰ্বি আংলং,
       ৪। হাফলং-উত্তৰ কাছাৰ,
       ৫। মংগলদৈ-দৰঙ,
       ৬। তিনিচুকীয়া-তিনিচুকীয়া,
       ৭। উত্তৰ লক্ষীমপুৰ-উত্তৰ লক্ষীমপুৰ,
       ৮। ডিব্ৰুগড়-ডিব্ৰুগড়,
       ৯। শিৱসাগৰ-শিৱসাগৰ আৰু
       ১০। ধেমাজি:-ধেমাজি।

Class 8 Social Science Chapter 3 in Assamese Medium Textual Questions and Answers

১। খালী ঠাই পূৰ কৰা-
ক। ___ কাৰ্য আৰম্ভ হোৱাৰ লগে লগে মানুহে একে ঠাইতে স্থায়ীভাৱে বসবাস কৰিবলৈ আৰম্ভ কৰিলে।
উত্তৰ:- কৃষি।

খ। ___ উৎসক ভিত্তি কৰি গাঁওবাসীয়ে ভালেমান সুবিধা ভোগ কৰে।
উত্তৰ:- পানীৰ।

গ। আলিবাট,ৰেল'পথ, নদীৰ কাষে কাষে গঢ়ি উঠা বসতিক ____ বসতি বোলে।
উত্তৰ:- ৰৈখিক।

ঘ। বৰ্তমান অসমত গাঁৱৰ সংখ্যা হ'ল__খন।
উত্তৰ:- ২৫,৫৯০।

২। শুদ্ধ উত্তৰটো বাছি উলিওৱা-
ক। গ্ৰাম্য বসতিৰ মূল বৃত্তি হ'ল বেপাৰ-বাণিজ্য/উদ্যোগ/কৃষি।
উত্তৰ:- কৃষি।

খ। গ্ৰাম্য অঞ্চলতকৈ নগৰ অঞ্চলত জনসংখ্যাৰ ঘনত্ব কম/অধিক/সমান।
উত্তৰ:- অধিক।

গ। ভাৰতৰ প্ৰায় ৭০/৮০/৬০ শতাংশ লোকে গাঁৱত বাস কৰে।
উত্তৰ:- ৭০।

ঘ। কোনো ঠাইত থূপ খাই থকা বসতিয়েই হ'ল ৰৈখিক/কেন্দ্ৰীভূত/পাতল বসতি।
উত্তৰ:- কেন্দ্ৰীভূত।

৩। উত্তৰ লিখা।(৪টা বা ৫টা বাক্যৰ ভিতৰত)
ক। মানুহে স্থায়ীভাৱে বসবাস কৰিবলৈ লোৱাৰ কাৰণ কি বুলি ভাবা?
উত্তৰ:- কৃষি কাৰ্য আৰম্ভ হোৱাৰ লগে লগে মানুহে একে লগে স্থায়ীভাৱে বসবাস কৰিবলৈ ল'লে। বিশেষকৈ মাটি চহোৱা,শস্যৰ চোৱা চিতা কৰাৰ স্বাৰ্থত মানুহে স্থায়ীভাৱে বসবাস কৰিবলৈ লয়। খেতি চপাই পোৱা শস্যবোৰ ভবিষ্যতৰ বাবে মজুত কৰি ৰাখিবলৈ মানুহে স্থায়ীভাৱে থাকিবলগীয়া হয়।

খ। গাঁৱলীয়া বসতিৰ মূল বৈশিষ্ট্য সম্বন্ধে আলোচনা কৰা।
উত্তৰ:- গাঁৱলীয়া বাসিন্দাসকলৰ মূল বৃত্তি হ'ল- কৃষি। বসতি পাতল আৰু বিস্তৃত।ঘৰ বাৰীৰ আৰ্হি
থলুৱা আৰু পৰম্পৰাগত হয়। এলেকাটোত যাতায়তৰ ব্যৱস্থা সুচল নহয়। অঞ্চলটোত যান-বাহনৰ সুবিধা কম। ব্যৱসায় বাণিজ্যৰ সুবিধা কম।

গ। কেন্দ্ৰীভূত বসতি কেনেধৰণে সৃষ্টি হয় লিখা।
উত্তৰ:- কোনো কোনো  ঠাইত মানুহৰ জীৱন-ধাৰণৰ বাবে প্ৰয়োজনীয় বস্ত্ৰ আৰু সা-সুবিধাবোৰ যদি একে ঠাইতে বা ওপৰে পাজেৰে পোৱা যায়, তেন্তে সেই এলেকাটোত মানুহৰ বসতি থূপ খাই থাকে।এনে বসতিক কেন্দ্ৰীভূত বসতি বোলে।


৫। পাৰ্থক্য লিখা-
ক। গ্ৰাম্য বসতি আৰু পৌৰ বসতি।
উত্তৰ:- i গ্ৰাম্য বসতিৰ বাসিন্দাসকলৰ মূল বৃত্তি হ'ল-কৃষি আৰু পৌৰ বসতিৰ বাসিন্দাসকলৰ মূল বৃত্তি হ'ল বেপাৰ-বাণিজ্য।
ii) গ্ৰাম্য বসতিত যাতায়তৰ ব্যৱস্থা সুচল নহয় আৰু পৌৰ বসতিৰ যাতায়তৰ ব্যৱস্থা সুচল।

খ। ৰৈখিক বসতি আৰু কেন্দ্ৰীভূত বসতি।
উত্তৰ:- i) ৰৈখিক বসতি মানুহৰ বসতি থূপ খাই নাথাকে আৰু কেন্দ্ৰীভূত বসতিত মানুহৰ বসতি থূপ খাই থাকে।
ii) ৰৈখিক বসতিত প্ৰয়োজনীয় সুবিধাবোৰ ওচৰে পাজৰে পোৱা নাযায় আৰু কেন্দ্ৰীভূত বসতিত প্ৰয়োজনীয় সুবিধাবোৰ ওচৰে পাজৰে পোৱা যায়।

গ। উচ্চভূমিৰ বসতি আৰু নিম্নভূমিৰ।
উত্তৰ:- i)উচ্চভূমিৰ মানুহে ঝুম খেতি কৰে আৰু নিম্নভূমিত এই খেতি কৰা নহয়।
ii) উচ্চভূমিত মানুহে চাংঘৰ সাজে জীৱ-জন্তু পোহিবলৈ আৰু নিম্নভূমিত মানুহে চাংঘৰ সাজে
পোহনীয়া জীৱ-জন্তু,সা-সামগ্ৰী আৰু নিজৰ সুৰক্ষাৰ বাবে।

Class 8 Social Science in Assamese Medium Chapter 3

Food, shelter, and clothes are three basic necessities. The lesson 3 of Class 8 Social Science explains about shelter of the mankind. From the primitive age to the modern age, human civilization has gone through tremendous changes in places and patterns of shelter or residence, one thing remaining intact that the mankind need some sort of shelter to protect themselves from many natural and other forms of challenges.

১। শুদ্ধ উত্তৰটো লিখা-
ক) কোনটো অঞ্চলত জনসংখ্যা আটাইতকৈ বেছি-
১। নিৰক্ষীয় অঞ্চল,
২। উত্তৰ মেৰু,
৩। পূব এছিয়া,
৪। আফ্ৰিকাৰ চাহাৰা মৰুভূমি।
উত্তৰ:- ৩। পূব এছিয়া।

খ) কোনখন মহাদেশৰ জনসংখ্যা সৰ্বাধিক-
১। ইউৰোপ,
 ২। আফ্ৰিকা,
 ৩। এছিয়া,
 ৪। অষ্ট্ৰেলিয়া
 উত্তৰ:- ৩। এছিয়া।
 
গ) ২০১১ চনত অসমৰ জনসংখ্যা আছিল-
১। ২.২৪ কোটি,
২। ৩.১২ কোটি,
৩। ২.৩৫ কোটি,
৪। ২.৪৬ কোটি
উত্তৰ:- ২। ৩.১২ কোটি।
 
ঘ) তলত উল্লেখ কৰা কোনখন মহাদেশত মানুহৰ স্থায়ী বসতি নাই-
১। এছিয়া,
২। দক্ষিণ আমেৰিকা,
৩। কুমেৰু বা এন্টাৰ্কটিকা,
৪। ইউৰোপ
উত্তৰ:- ৩। কুমেৰু বা এন্টাৰ্কটিকা।

২। খালী ঠাই পূৰ কৰা-
ক) জনসংখ্যা বৃদ্ধি শব্দটোৱে জন সংখ্যাৰ___ বৃদ্ধিক বুজায়।
উত্তৰ:- সংখ্যাগত।

খ) পৃথিৱীৰ বেছি ভাগ মানুহে __গোলাৰ্ধত বসতি কৰে।
উত্তৰ:- উত্তৰ।

গ) প্ৰতি বৰ্গকিলোমিটাৰত এলেকাত যিমান সংখ্যক লোকে বসতি কৰে সিয়েই সেই ঠাইখনৰ জন সংখ্যৰ ___।
উত্তৰ:- ঘনত্ব।

ঘ) এখন ঠাই ত্যাগ কৰি কোনো এখন নতুন ঠাইলৈ গৈ বসতি কৰিবলৈ ল'লে নতুন ঠাইখনক প্ৰব্ৰজনৰ___বোলে।
উত্তৰ:- লক্ষ্যস্থান।

৩।চমু টোকা লিখা-
ক) মানৱ সম্পদৰ উন্নয়ন
উত্তৰ:- সমাজ তথা দেশৰ উন্নয়নৰ বাবে শাৰীৰিক, মানসিকভাৱে অৰিহণা আগবঢ়াব পৰা
মানুহখিনিকেই মানৱ সম্পদ বুলি বিবেচনা কৰা হয়। আনহাতে যিকোনো মানুহৰৰ তেনে দক্ষতাৰ অভাৱ তেনে মানুহক প্ৰকৃত অৰ্থত মানৱ সম্পদ
বুলি কব নোৱাৰি।

খ) জনসংখ্যাৰ থূপীকৰণ
উত্তৰ:- ঠাই বিশেষে জনসংখ্যাৰ বিতৰণ ঘন মজলীয়া আৰু পাতল হোৱা দেখা যায়। অতীজত পৃথিৱীৰ বহুতো অঞ্চলত নদী উপত্যকা কেন্দ্ৰিক সভ্যতাৰ বিকাশ ঘটিছিল। এনে অঞ্চলবোৰত জনবসতি কেন্দ্ৰিভূত হৈছিল। সাধাৰণতে নদী উপত্যকা আৰু উপকূলীয় সমভূমি অঞ্চলৰ মাটি কৃষি কাৰ্যৰ বাবে  উপযোগী।

গ) জন সংখ্যাৰ বিস্ফোৰণ
উত্তৰ:- পৃথিৱীত মানুহৰ সৃষ্টিৰ সময়ৰে পৰা জনসংখ্যা ক্ৰমশঃ বাঢ়ি আহি বৰ্তমানৰ অৱস্থা পাইছে। বিভিন্ন সময়ত সংঘটিত প্ৰাকৃতিক দুৰ্যোগ , মহামাৰী আদিৰ ফলত ব্যাপক সংখ্যক মানুহৰ জীৱন হানি ঘটিলেও মানুহৰ বৃদ্ধিৰ গতি স্তব্ধ হোৱা নাই। এসময়ৰ মুকলি ঠাইবোৰ এতিয়া মানুহেৰে ভৰি পৰিছে।

৪।জন প্ৰব্ৰজন কাক বোলে? ইয়াৰ কাৰণবোৰ কি কি? জন প্ৰব্ৰজনৰ ফলাফলবোৰ কেনেধৰণৰ?
উত্তৰ:- মানুহে কৰ্মসূত্ৰে বা আন কোনো  কাৰণত নিজৰ স্থান ত্যাগ কৰি অন্য এখন নতুন স্থানত গৈ স্থায়ী বা সাময়িক ভাৱে বসতি কৰা কাৰ্যকে জনপ্ৰব্ৰজন বোলে।
ইয়াৰ কাৰণ বোৰ হ'ল- যুদ্ধ -বিগ্ৰহ , প্ৰাকৃতিক দুৰ্যোগ, মহামাৰী, বানপানী ,গৰাখহনীয়া , খাদ্য, সংকট, ৰাজনৈতিক সংকট আদি কাৰণত মানুহে কোনো ঠাই ত্যাগ কৰি অন্য স্থানলৈ প্ৰব্ৰজন বাঢ়ে।
জন প্ৰব্ৰজনৰ ফলাফলবোৰ হ'ল-জনপ্ৰব্ৰজনৰ অধিক হ'লে লক্ষ্য স্থানত হঠাতে জনসংখ্যা দ্ৰুত গতিত বৃদ্ধি পায়।ইয়ে ঠাই খনত ভূমি আৰু অন্যান্য সম্পদৰ জনমূৰি পৰিমাণ হ্ৰাস কৰে। ইয়াৰ ওপৰিও কেতিয়াবা কোনো কোনো প্ৰব্ৰজন লক্ষ্য স্থানত ৰাজনৈতিক ভাষা-সংস্কৃতিৰ সংকটে দেখা দিব পাৰে।

জনসংখ্যাৰ বৃদ্ধি আৰু বিতৰণ পাঠটিৰ শিকিবলগীয়া কথা:-

• জনসংখ্যা বৃদ্ধি আৰু বিকাশ সম্পৰ্কে ধাৰণা লাভ কৰা: ২০০৮ চনত পৃথিৱীৰ জনসংখ্যা আছিল ৬৬৮ কোটি, তাৰ বিপৰীতে আজি ২০২১ চনত এই জনসংখ্যা ৭৮৭ কোটি। প্ৰতি বছৰে প্ৰায় ১.০৫% হাৰত (প্ৰায়৮.১ কোটি প্ৰতি বছৰ) হিচাপত জনসংখ্যাৰ বৃদ্ধি ঘটিছে।
  
• জনসংখ্যাৰ বিতৰণ সম্পৰ্কে জনা: জনসংখ্যাৰ বৃদ্ধি দ্ৰুত যদিও পৃথিৱীৰ সকলো অংশতে পৃথিৱীৰ জনসংখ্যা সমানে বিতৰিত হৈ থকা নাই। উত্তৰ গোলাৰ্ধত পৃথিৱীৰ অধিক জনসংখ্যা বাস কৰে। আনহাতে এন্টাৰ্কটিকা মহাদেশ জনশূণ্য।
  
• জনসংখ্যাৰ বিষয়ে জ্ঞান লাভ কৰা: জনসংখ্যা বৃদ্ধিৰ বহুতো কাৰণ আছে। জনসংখ্যাৰ বৃদ্ধি নিয়ন্ত্ৰিত কৰাৰ প্ৰয়োজনীয়তা আছে।
  
• জনসংখ্যাৰ বিস্ফোৰণ সম্বন্ধে ধাৰণা লাভ কৰা: দ্ৰুতগতিত বৃদ্ধি হোৱা জনসংখ্যা পৃথিৱীৰ বাবে জটিল সমস্যা সৃষ্টি কৰাৰ সম্ভাৱনা আছে। এক পূৰ্বানুমান অনুসৰি, পৃথিৱীৰ জনসংখ্যা ২০৫৭ চনত ১০০০ কোটি হোৱাৰ সম্ভাৱনা আছে। বৰ্ধিত জনসংখ্যাই পৃথিৱীৰ সম্পদৰ ওপৰত অনাৱশ্যকীয় হেঁচাৰ সৃষ্টি কৰে।
  
• মানৱ সম্পদৰ বিষয়ে ধাৰণা লাভ কৰা: মানৱ সম্পদ মানে জ্ঞান, কৌশল তথা অন্য লাভকাৰী গুণ থকা এজন ব্যক্তি। মানৱ সম্পদ সমাজৰ সম্পদ।
  

১। চমু উত্তৰ দিয়া - 

ক) মাটিৰ চাহিদা দিনক দিনে বৃদ্ধি পাই অহাৰ যিকোনো দুটা কাৰণ উল্লেখ কৰা। 

উত্তৰ:- i. জনসংখ্যাৰ বৃদ্ধি, ii. অৰ্থনৈতিক প্ৰতিযোগিতা। 

খ) কোনো এখন ঠাইত জন বসতি ঘন হোৱাৰ কাৰণ কি বুলি ভাবা। 

উত্তৰ:- i. খেতি পথাৰৰ বাবে উপযোগী সাৰুৱা মাটি উপলব্ধ হ'লে তাৰ আশে-পাশে জন বসতি ঘন হয়। 

ii.  কোনো ঠাইত খনিজ সম্পদ অধিক পৰিমাণে উপলব্ধ হ'লে তাৰ আশে-পাশে জন বসতি ঘন হয়। 

গ) ভূমি অৱক্ষয় হোৱাৰ দুটা কাৰণ দৰ্শোৱা। 

উত্তৰ:- i. কৃষি কাৰ্যত অত্যাধিক ৰাসায়নিক সাৰৰ প্ৰয়োগ। 

ii. খেতি পথাৰৰ মাটিত ইটা ভাটাৰ দৰে উদ্যোগ গঢ়ি উঠাৰ বাবে। 

ঘ।‍ বিভিন্ন ঠাইত বৰ্তমান পানীৰ সংকটে দেখা দিয়াৰ দুটা কাৰণ লিখা। 

উত্তৰ:- i. ঋতু অনুযায়ী বৰষুণৰ পৰিমাণ কমি অহাৰ বাবে। 

ii. ভূ-তল জলৰ পৰিমাণ দিনক দিনে কমি অহাৰ বাবে। 

২। শুদ্ধ উত্তৰটো লিখা। 

ক) তলৰ কোন টোৱে পানীৰ সংৰক্ষণত সহায় কৰে? 

১।অবাবতে পানীৰ টেপ খুলি থলে, 

২। ভূ গৰ্ভৰ পানীৰ অত্যধিক ব্যৱহাৰ কৰিলে, 

৩।বৰষুণৰ পানীৰ জমা কৰি থলে। 

উত্তৰ:-৩। বৰষুণৰ পানী জমা কৰি থ'লে। 

খ) নিৰ্মল পানী পাবলৈ হ'লে- 

১।আবৰ্জনাবোৰ নৈত পেলাব লাগে, 

২।পানীত ৰাসায়নিক সাৰ মিহলাব লাগে, 

৩।পানীৰ উৎস প্ৰদূষিত নোহোৱাকৈ ৰাখিব লাগে। 

উত্তৰ:-৩। পানীৰ উৎস প্ৰদূষিত নোহোৱাকৈ ৰাখিব লাগে। 

গ) তলৰ কোনটোৱে শক্তি সংৰক্ষণত সহায় নকৰে। 

১।জীৱাশ্ম ইন্ধনৰ ব্যৱহাৰ অধিক হ'লে, 

২।অপৰম্পৰাগত শক্তি সুব্যাবহাৰ কৰিলে, 

৩। শক্তি সম্পদৰ ব্যৱহাৰৰ ক্ষেত্ৰত মিতব্যয়ী হ'লে। 

উত্তৰ:- ১। জীৱাশ্ম ইন্ধনৰ ব্যৱহাৰ অধিক হ'লে। 

Class 8 Social Science Assamese Medium Question Answer Chapter 1

৩। ভূমি সম্পদৰ গুৰুত্ব আৰু ব্যৱহাৰৰ বিষয়ে লিখা। 

উত্তৰ:- পৃথিৱীৰ উপৰিভাগৰ ২৯ শতাংশ মাটি।এই মাটি বা ভূমিয়ে হৈছে জীৱ জগতৰ আধাৰ। মানুহৰ অন্ন, বস্ত্ৰ, বাসস্থান আৰু ইন্ধনেই হৈছে ভূমি। ভূমি সম্পদৰ উপৰত নিৰ্ভৰশীল। ভূমিৰ উপৰত ভিত্তি কৰিয়েই আমাৰ কৃষি,শিল্প, উদ্যোগ, যাতায়ত আৰু যোগাযোগ ব্যৱস্থা গঢ়লৈ উঠিছে। গ্ৰাম্য অঞ্চলৰ ভূমিয়েই কৃষকৰ জীয়াই থকাৰ সম্বল।এই মাটিতেই কৃষি কাৰ্য কৰিয়েই তেওঁলোকে জীয়াই থাকে। 

৪। বনজ সম্পদ আৰু জলজ সম্পদৰ ব্যৱহাৰৰ ক্ষেত্ৰত কেনে ভূমিকা লোৱা উচিত? 

উত্তৰ:- বনজ সম্পদ আৰু জলজ সম্পদৰ ব্যৱহাৰৰ ক্ষেত্ৰত ৰাষ্ট্ৰীয় উদ্যান, সংৰক্ষিত বনাঞ্চল,অভাৰণ্য আদিৰ উপৰি ব্যক্তিগতভাৱে আমি অৰণ্য আৰু বনজ সম্পদসমূহ সংৰক্ষণৰ বাবে ব্যৱস্থা কৰা উচিত। 

৫। শক্তি সম্পদৰ সংৰক্ষণৰ বাবে কি কি পদক্ষেপ গ্ৰহণ কৰিব লাগে? 

উত্তৰ:- শক্তি সম্পদৰসংৰক্ষণৰ বাবে আমি সম্পদ ব্যৱহাৰৰ ক্ষেত্ৰত মিতব্যয়ী হ'ব লাগিব আৰু সম্পদ ৰাহি কৰিবলৈ সম্পদৰ অপচয় ৰোধ কৰিব লাগিব। 

৬। চমু টোকা লিখা- 

ক) বন্যপ্ৰাণী 

উত্তৰ:- হাবিত বাস কৰা সৰু-বৰ জীৱ-জন্তু, চৰাই-চিৰিকতি সৰীসৃপ, উভচৰ প্ৰাণী,কীট- পতংগ ইত্যাদিবোৰক বন্যপ্ৰাণী বুলিব পাৰি।সকলো বন্যপ্ৰাণীয়ে প্ৰাকৃতিক সম্পদ। 

খ) জীৱাশ্ম ইন্ধন 

উত্তৰ:- জীৱাশ্ম ইন্ধনবোৰ প্ৰাকৃতিক সম্পদৰ লগত প্ৰত্যক্ষ বা পৰোক্ষভাৱে জড়িত। কয়লা, পেট্ৰোলিয়াম আৰু প্ৰাকৃতিক গেছ আদি জীৱাশ্ম ইন্ধন। এইবোৰ ব্যৱহাৰ কৰাৰ লগে লগে শেষ হয় যায়। 

গ) মৰুকৰণ 

উত্তৰ:- প্ৰাকৃতিক বা মানৱজনীয় কাৰণত মৰুভূমিৰ প্ৰসাৰ ঘটাকে বা নতুনকৈ মৰুভূমিৰ সৃষ্টি হোৱাকে মৰুকৰণ বুলি কোৱা হয়। 

ঘ) সৌৰশক্তি 

উত্তৰ:- সূৰ্য অফুৰন্ত শক্তিৰ ভৰাল।আমি প্ৰত্যেক দিনাই সূৰ্যৰ তাপ আৰু পোহৰ পাই থাকো।সূৰ্যৰ এই শক্তিক সৌৰ কোষৰ সহায়ত বিদ্ৰোত শক্তি উৎপাদন কৰিবলৈ ব্যৱহাৰ কৰা হয়। 

 ঙ) ভূমিস্খলন 

উত্তৰ:- ভূমিস্খলন হৈছে প্ৰাকৃতিক কাৰণত বা মানৱ সৃষ্টিৰ কাৰ্যৰ ফলত সংঘটিত এক দুৰ্যোগ।নেৰানেপেৰা বৰষুণ, ভূমিকম্পৰ জোকৰণি আদিৰ ফলত ওখ ঠাইৰ ভূ-খন্ড তললৈ খৰি পৰাকে ভূমিস্খলন বোলে। 

৭। পাৰ্থক্য দেখুওৱা- 

ক) গ্ৰামাঞ্চলৰ ভূমিৰ ব্যৱহাৰ আৰু নগৰীয়া অঞ্চলৰ ভূমিৰ ব্যৱহাৰ। 

উত্তৰ:- ১। গ্ৰাম্য অঞ্চলৰ ভূমিৰ ব্যৱহাৰত পৰিৱেশত পৰিব পৰা প্ৰভাৱৰ কথা ভবা নাযায় কিন্তু নগৰীয়া অঞ্চলত পৰিৱেশত পৰিব পৰা প্ৰভাৱৰ কথা ভবা হয়। 

২। গ্ৰাম্য অঞ্চলৰ মাটিয়ে কৃষকৰ জীয়াই থকাৰ সম্বল কিন্তু নগৰীয়া অঞ্চলৰ মাটিয়ে কৃষকৰ জীয়াই থকাৰ সম্বল নহয়। 

খ) পৰম্পৰাগত আৰু অপৰম্পৰাগত শক্তি। 

উত্তৰ:- ১। পৰম্পৰাগত শক্তিৰ প্ৰদূষণৰ মাত্ৰা বেছি কিন্তু অপৰম্পৰাগত শক্তিৰ প্ৰদূষণৰ মাত্ৰা কম। 

২। পৰম্পৰাগত শক্তি ব্যৱহাৰ কৰা লগে লগে শেষ হয় যায় কিন্তু অপৰম্পৰাগত শক্তি ব্যৱহাৰ কৰিলেও শেষ হৈ নাযায়।