১। উত্তৰ দিয়া-

(ক) শুংগবংশৰ পিছত উত্তৰ ভাৰতত কোন বংশৰ ৰজাই ৰাজত্ব কৰিছিল?
উত্তৰ:- কান্ব নামৰ এটা ৰাজবংশ।

(খ) সাতবাহনসকলে ভাৰতৰ কোন অংশত ৰাজত্ব কৰিছিল?
উত্তৰ:- দক্ষিণ ভাৰতত ৰাজত্ব কৰিছিল।

(গ) কলিংগ ৰাজ্যক বৰ্তমান কি নামেৰে জনা যায়?
উত্তৰ:- উৰিষ্যা।

(ঘ)‘ত্ৰিৰাজ্য' বুলিলে কোন কেইখন ৰাজ্যক বুজায়?
উত্তৰ:- চোল,চেৰা,পান্ডসকলক ‘ত্ৰিৰাজ্য’ বোলে।

(ঙ) কৃষাণ বংশৰ সৰ্বশ্ৰেষ্ঠ ৰজা কোন আছিল?
উত্তৰ:- কণিষ্ক।

২। উত্তৰ লিখা-

(ক) সাতবাহনসকলৰ ৰাজত্বকালত কাৰ কাৰ লগত বাণিজ্যিক সম্পৰ্ক স্থাপন হৈছিল?
উত্তৰ:- ৰোমান সাম্ৰাজ্য আৰু দক্ষিণ পূব এছিয়া।

(খ) কণিষ্কৰ শাসনকালত বৌদ্ধ ধৰ্ম কেইটা ভাগত ভাগ হৈছিল? নাম দুটা উল্লেখ কৰা।
উত্তৰ:- দুটা ভাগত ভাগ হৈছিল। ভাগ দুটা হ'ল- হীনযান আৰু মহাযান।

(গ) সংগম সাহিত্য কেইপ্ৰকাৰৰ আৰু কি কি?
উত্তৰ:- সংগম সাহিত্য দুই প্ৰকাৰৰ-
     ১। নীতিশিক্ষামূলক আৰু
     ২। বৰ্ণনামূলক।

(ঘ) কুষাণ যুগৰ দুটা শিল্প-কলাৰ নাম।
উত্তৰ:- মথুৰা শিল্পকলা আৰু অমৰাৱতী শিল্পকলা।

(ঙ) মৌৰ্যৰ পৰৱৰ্তী যুগত জলসিঞ্চনৰ বাবে ব্যৱহৃত দুটা ব্যৱস্থাৰ নাম।
উত্তৰ:- পুখুৰী আৰু কৃত্ৰিম জলাশয়।

(চ) মৌৰ্যসকলৰ পৰৱৰ্তী যুগৰ গাঁৱবিলাকত কি কি বৃত্তিজীৱি লোক বাস কৰিছিল? দুটা বৃত্তিৰ নাম উল্লেখ কৰা।
উত্তৰ:- মৃৎশিল্পি,কমাৰ,বাঢ়ৈ আৰু শিপিনী আদি।

৩।‘ক' অংশৰ লগত ‘খ' অংশ মিলাই চোৱা-

(ক) মহামেঘ বাহন        (ক) মিনান্ডাৰ
(খ) অন্ধ্ৰৰ আন এটা     (খ) গান্ধাৰ শিল্পৰ নাম
(গ) ইন্দো-গ্ৰীক সকলৰ    (গ) তামিল কবি   
 বিখ্যাত ৰজা।            সন্মিলনৰ সাহিত্য আছিল
(ঘ) কণিষ্কৰ দৃষ্টি আকৰ্ষণ  (ঘ) সাতবাহন   
 কৰিছিল
(ঙ) সংগম সাহিত্য        (ঙ) কলিংগ
উত্তৰ:- ক আৰু ঙ।
       খ আৰু ঘ।
       গ আৰু ক।
       ঘ আৰু খ।
       ঙ আৰু গ।

৪। শুদ্ধ উত্তৰ বাছি উলিওৱা-

(ক) সাতবাহন ৰাজ্য প্ৰতিষ্ঠা কৰিছিল জয়দ্ৰথে/সিমুকে/বাসুদেৱে।
উত্তৰ:- সিমুকে।

(খ) যবন বুলি শুংগ/ইন্দো-গ্ৰীক/কান্বসকলক কোৱা হৈছিল।
উত্তৰ:- ইন্দো-গ্ৰীক।

(গ ) গান্ধাৰ শিল্পৰ মূল বিষয়-বস্তু আছিল হিন্দুধৰ্ম/বৌদ্ধধৰ্ম/জৈনধৰ্ম।
উত্তৰ:- বৌদ্ধধৰ্ম।

(ঘ) গন্ডোফৰ্ণিছ কুষাণ/পহ্লৱ/শক বংশৰ শ্ৰেষ্ঠ ৰজা আছিল।
উত্তৰ:- পহ্লৱ।

(ঙ) জাতক হৈছে গল্প/কবিতা/উপন্যাস।
উত্তৰ:- গল্প।

৫।সত্য নে অসত্য বাছি উলিওৱা-

(ক) কাতন্ত্ৰ আছিল সাতবাহনসকলৰ দিনৰ এখন উল্লেখযোগ্য গ্ৰন্থ।
উত্তৰ:- সত্য।

(খ) অশ্বঘোষ শক ৰাজসভাৰ এজন পন্ডিত আছিল।
উত্তৰ:- অসত্য।

(গ) সংগম সাহিত্য সংস্কৃত ভাষাত ৰচনা কৰা হৈছিল।
উত্তৰ:- অসত্য।

(ঘ) মিনান্ডাৰে হিন্দু ধৰ্ম গ্ৰহণ কৰিছিল।
উত্তৰ:- অসত্য।

(ঙ) প্ৰাচীন ভাৰতলৈ ৰোমান সাম্ৰাজ্যৰ পৰা সোণ আমদানি কৰা হৈছিল।
উত্তৰ:- সত্য।

১। শুদ্ধ অশুদ্ধ বিচাৰি উলিওৱা-

(ক) ভাৰতত দুই ধৰণৰ মৌচুমী বায়ু প্ৰবাহিত হয়।
উত্তৰ:- শুদ্ধ।

(খ) জনসংখ্যাৰ আকাৰৰ ক্ষেত্ৰত ভাৰতবৰ্ষ পৃথিৱীৰ ভিতৰত প্ৰথম।
উত্তৰ:- অশুদ্ধ।

(গ) ভাৰতবৰ্ষৰ প্ৰায় সোঁমাজেদি কৰ্কটক্ৰান্তি ৰেখা পাৰ হৈ গৈছে।
উত্তৰ:- শুদ্ধ।

(ঘ) দক্ষিণ ভাৰতৰ ক'লা মাটি অঞ্চল চাহ খেতিৰ বাবে উপযোগী।
উত্তৰ:- অশুদ্ধ।

(ঙ) মৰুভূমি অঞ্চলত চিৰসেউজীয়া উদ্ভিদ পোৱা যায়।
উত্তৰ:- অশুদ্ধ।

২। শুদ্ধ উত্তৰটো বাছি উলিয়াই লিখা-

(ক) দক্ষিণ পশ্চিম মৌচুমী বতাহ প্ৰশান্ত মহাসাগৰ/আৰৱ সাগৰ/লোহিত সাগৰৰ ওপৰেদি প্ৰবাহিত হয়।
উত্তৰ:- আৰৱ সাগৰ।

(খ) ২০১১ চনৰ লোকপিয়ল অনুসৰি ভাৰতবৰ্ষৰ জনসংখ্যাৰ ঘনত্ব হ'ল প্ৰতি বৰ্গ কিল'মিটাৰত ৩৮০/৩৮২/৩২৪ জন।
উত্তৰ:- ৩৮২ জন।

(গ) ফলমূল উৎপাদনত পাঞ্জাব/জম্মু-কাশ্মীৰ/হিমাচল প্ৰদেশৰ স্থান ভাৰতৰ ভিতৰত প্ৰথম।
উত্তৰ:- জম্মু-কাশ্মীৰ।

(ঘ) মৰুভূমি অঞ্চলত চিৰসেউজীয়া/কাঁইটীয়া/তৃণজাতীয় উদ্ভিদ পোৱা যায়।
উত্তৰ:- কাঁইটীয়া উদ্ভিদ।

(ঙ) ভাৰতবৰ্ষৰ আটাইতকৈ বেছি জনসংখ্যা থকা ৰাজ্যখন হ'ল অৰুণাচল প্ৰদেশ/মহাৰাষ্ট্ৰ/উত্তৰ প্ৰদেশ।
উত্তৰ:- উত্তৰ প্ৰদেশ।

৩।‘ক' অংশৰ লগত ‘খ' অংশ মিলোৱা-
   ‘ক' অংশ।                 ‘খ' অংশ
(ক) মৌচুমীয় উদ্ভিদ।  (ক) ২০০ চেন্টিমিটাৰতকৈ অধিক বৰষুণ হয়
(খ) তৃণজাতীয় উদ্ভিদ    (খ) বছৰি ৫০ চেন্টিমিটাৰ- তকৈ কম বৰষুণ হয়    
(গ) কাঁইটীয়া মৰুজ উদ্ভিদ   (গ) বছৰি ৫০ চেন্টিমিটাৰৰ পৰা ১০০ চেন্টিমিটাৰত বৰষুণ হয়।
(ঘ) চিৰসেউজীয়া উদ্ভিদ   (ঘ) বছৰি ১০০ চেন্টিমিটাৰৰ‌ পৰা ২০০ চেন্টিমিটাৰত বৰষুণ হয়।
উত্তৰ:- ক আৰু ঘ।
       খ আৰু গ।
       গ আৰু খ।
       ঘ আৰু ক।

৪। চমু উত্তৰ লিখা-

(ক) জনসংখ্যা হ্ৰাস-বৃদ্ধি কি কি কাৰণত হ'ব পাৰে?
উত্তৰ:- জনসংখ্যা হ্ৰাস হোৱা কাৰণ হ'ল-
(i) প্ৰাকৃতিক দুৰ্যোগ,
(ii) বিভিন্ন ৰোগ ব্যাধি,
(iii) যুদ্ধ-বিগ্ৰহ আৰু
(iv) মহামাৰী।
      জনসংখ্যা বৃদ্ধি হোৱা কাৰণ হ'ল- জন্মৰ হাৰ বেছি।

(খ) ভাৰতবৰ্ষৰ জলবায়ু নিৰ্ধাৰণ কৰা কাৰকসমূহ কি কি?
উত্তৰ:- ভাৰতবৰ্ষৰ জলবায়ু নিৰ্ধাৰণ কৰা কাৰকসমূহ হ'ল- দেশখনৰ বিশালতা, বেলেগ ভূ-প্ৰকৃতি, বিষুৱৰ পৰা দূৰত্ব, উচ্চতাৰ পাৰ্থক্য, মৌচুমী বতাহ আদিৰ প্ৰভাৱে ভাৰতবৰ্ষৰ জলবায়ু নিৰ্ধাৰণ কৰে।

(গ) ভাৰতবৰ্ষৰ ক'ত চিৰসেউজীয়া উদ্ভিদ পোৱা যায়?
উত্তৰ:- পশ্চিমঘাট পৰ্বতৰ পশ্চিমঢাল, উজনি অসম, অৰুণাচল, হিমালয়ৰ নামনি অংশ, মণিপুৰ আৰু মিজোৰামৰ পাৰ্বত্য অঞ্চল, আন্দামান নিকোবৰ দ্বীপপুঞ্জৰ কিছু অংশত চিৰসেউজীয়া উদ্ভিদ পোৱা যায়।

(ঘ) ভাৰতবৰ্ষত কপাহ খেতি হোৱা ঠাইসমূহ কি কি?
উত্তৰ:- ভাৰতবৰ্ষত কপাহ খেতি হোৱা ঠাইসমূহ হ'ল- মধ্য প্ৰদেশ আৰু গুজৰাটৰ দক্ষিণ অংশ, মহাৰাষ্ট্ৰ, অন্ধ্ৰপ্ৰদেশ আৰু কৰ্ণাটকৰ উত্তৰ অংশত অৱস্থিত কলা মাটি অঞ্চল।

১। উত্তৰ লিখা-
(ক) উত্তৰ-পূব ভাৰতৰ কোনখন ৰাজ্যক আগতে নেফা বুলি জনা গৈছিল?
উত্তৰ:- অৰুণাচল প্ৰদেশক।

(খ) কোনখন ৰাজ্যৰ ঠেক সমভূমি অংশই উত্তৰ-পূব ভাৰতক ভাৰত ভূখণ্ডৰ লগত সংযোগ কৰিছে?
উত্তৰ:- পশ্চিমবংগৰ।

(গ) উত্তৰ-পূব ভাৰতৰ প্ৰধান নদী কেইখন আৰু কি কি?
উত্তৰ:-  লুইত, সোৱণশিৰি, ছিয়াং, জীয়াভৰলী।

(ঘ) পাহাৰীয়া অঞ্চলতকৈ সমভূমি অঞ্চল কৃষি কাৰ্যত আগবঢ়া কিয়?
উত্তৰ:- কাৰণ সমভূমি অঞ্চলত নদী-পুখুৰী, জলাশয় আদিৰ পৰা পানী যোগান ধৰাৰ সুবিধা থাকে। কিন্তু পাহাৰীয়া অঞ্চলত এইবোৰ সুবিধা নাথাকে। তাৰোপৰি পাহাৰীয়া অঞ্চলত মাটি ওখোৰা মোখোৰা থাকে।

(ঙ) উত্তৰ-পূব ভাৰতৰ কোনখন ৰাজ্য উদ্যোগৰ ক্ষেত্ৰত আগবঢ়া?
উত্তৰ:- অসম ৰাজ্য।

২। পাহাৰীয়া অঞ্চলত কেনে ধৰণে খেতি কৰা হয়?
উত্তৰ:- পাহাৰীয়া জনগোষ্ঠীৰ লোকসকলে  ঝুম খেতি পদ্ধতিৰে খেতি কৰে। প্ৰতি বছৰে পাহাৰৰ হাবি-বন কাটি জুই লগাই ঝুম খেতি পথাৰ মুকলি কৰা হয়। মাটিখিনি মুকলি কৰাৰ পিছত তাত পৰম্পৰাগত সা-সঁজুলিৰে মাটি চহাই কৃষি কাৰ্য কৰা হয়।

৩। খালী ঠাই পূৰ কৰা-
(ক) উত্তৰ-পূব ভাৰতৰ সাতখন‌ ৰাজ্যৰ মুঠ মাটিকালি ____ বৰ্গ কিল'মিটাৰ।
উত্তৰ:- ২,৫৫,০৮৩।

(খ) ভাৰতৰ উত্তৰ-পূব অঞ্চল ___ উত্তৰ অক্ষাংশৰ পৰা ____ উত্তৰ অক্ষাংশলৈকে বিস্তৃত।
উত্তৰ:- ২০ ডিগ্ৰী আৰু ২৯ ডিগ্ৰী ৩০।

(গ) উত্তৰ পূব মৌচুমী বতাহ ____ কালত হয়।
উত্তৰ:- শীত।

(ঘ) উত্তৰ-পূব ভাৰতত মুঠতে ___ খন‌ ৰাজ্য আছে।
উত্তৰ:- ৭।

(ঙ) ____ উত্তৰ-পূব ভাৰতৰ একেবাৰে দক্ষিণ ফালে থকা ৰাজ্য।
উত্তৰ:- মিজোৰাম।

৪। উত্তৰ-পূব ভাৰতৰ মানচিত্ৰ এখন আঁ‌কি  তলত দিয়াবোৰ যথাস্থানত বহুওৱা-
(ক) উত্তৰ-পূব ভাৰতৰ চাৰিসীমা
(খ) ব্ৰহ্মপুত্ৰ আৰু বৰাক নদী
(গ) অসম, মেঘালয়, মণিপুৰৰ ৰাজধানী
(ঘ) নামৰূপ সাৰ কাৰখানা
(ঙ) পৰ্যটন ক্ষেত্ৰ টাৱাং
উত্তৰ:- চিত্ৰ ৮.১ চোৱা।

১। উত্তৰ দিয়া-

 উত্তৰ:- কাগজকল(জাগীৰোড) আৰু জূইশালা (ধুবুৰী)।

(খ) অসমত থকা ব্যঘ্ৰ প্ৰকল্প দুটাৰ নাম।
উত্তৰ:- নামেৰি আৰু মানাহ।

(গ) অসমৰ কোনখন জিলাত সৰ্বাধিক লোকে বাস কৰে।
উত্তৰ:- নগাঁও (২৮,২৬,০০৬) জন।

(ঘ) বৰ্তমান অসমৰ মুঠ শিক্ষিতৰ হাৰ কিমান?
উত্তৰ:- ৭৩.১৮ শতাংশ।

(ঙ) অসমৰ অধিকাংশ লোকৰ প্ৰধান জীৱিকা কি?
উত্তৰ:- কৃষি।

২। সঁচা -মিঁছা লিখা-

(ক) অসমৰ ২০০ছেণ্টিমিটাৰতকৈ অধিক বৰষুণ হোৱা অঞ্চলৰ উদ্ভিদ সাধাৰণতে চিৰসেউজীয়া।
উত্তৰ:- সঁচা।

(খ) শিমলু গছ পৰ্ণপাতী উদ্ভিদ শ্ৰেণীৰ অন্তৰ্গত।
উত্তৰ:- সঁচা।

(গ) বিভিন্ন বনজ আৰু খনিজ সম্পদত চহকী কাৰ্বি আংলং জিলাৰ জনসংখ্যাৰ ঘনত্ব সৰ্বাধিক।
উত্তৰ:- মিছা।

(ঘ) কপিলী বৰাক নৈৰ এখন উপ -নৈ।
উত্তৰ:- মিছা

(ঙ) অসমত মহিলাতকৈ পুৰুষৰ শিক্ষিতৰ হাৰ কম।
উত্তৰ:- মিছা।

৩। উদ্ভিদ পৰা আমি কি কি পাওঁ? এখন তালিকা কৰা।
উত্তৰ:- (i) মানুহ আৰু পশু-পক্ষী উশাহৰ বাবে অক্সিজেনৰ যোগান,
(ii) তাঁত শালৰ বিভিন্ন সামগ্ৰী,
(iii) ইন্ধনৰ উৎস (কাঠ,খৰি) আৰু
(iv) বিভিন্ন ঔষধ।

৪। বণ্য প্ৰাণী সমূহৰ বাবে অভয়াৰণ্যৰ কিয় প্ৰয়োজন (৫০টা মান শব্দৰ ভিতৰত লিখা)।
উত্তৰ:- মানুহৰ প্ৰয়োজনীয়তাবোৰ দিনক দিনে বৃদ্ধি পাই অহাৰ ফলত অৰণ্যবোৰ সংকটৰ সন্মুখীন হ'ল। ঠাই বিশেষ কিছুমান জীৱ-জন্তু আৰু উদ্ভিদ পৃথিৱীৰ পৰা বিলুপ্ত হ'ল। তাৰে পৰিপ্ৰেক্ষিতত উদ্ভিদ আৰু বন্য প্ৰাণীৰ সুৰক্ষিত ৰখাৰ স্বাৰ্থত অভয়াৰণ্যবোৰ গঢ়ি উঠিল। অভয়াৰণ্যসমূহত প্ৰাণীবোৰ সুৰক্ষিত হৈ থাকে। সেইবাবে বণ্য প্ৰাণী সমূহৰ বাবে অভয়াৰণ্যৰ প্ৰয়োজন।

৫। অসমৰ খাৰুৱা তেলৰ পুং আৰু কয়লা খনি থকা ঠাই সমূহৰ নাম লিখা।
উত্তৰ:- খাৰুৱা তেলৰ পুং থকা ঠাই- নাহৰকটীয়া, হুগ্ৰীজান, মৰাণ, লাকুৱা,গেলেকী, বৰহোলা, দিহিং উপত্যকা,ডিগবৈ।
      কয়লাখনি থকা ঠাইসমূহৰ নাম- উজনি অসমৰ মাৰ্ঘেৰিটা, লিডু, নাফুক, নাগিনিমৰা,কাৰ্বি আংলংৰ কয়লাজান, শিলভেটা, লংলৈ, শিঙিমাৰী আদি।

৬। ভূ তলজৰ ব্যৱহাৰ সম্পৰ্কে প্ৰায় ৫০টা শব্দৰ ভিতৰত লিখা।
উত্তৰ:- ভূ-গৰ্ভৰ ভিতৰত সঞ্চিত থকা পানীয়ে ভূ-তলজল। ই দেশ এখনৰ অন্যতম প্ৰাকৃতিক সম্পদ। দেশ এখনৰ খোৱাপানী আৰু গৃহকাৰ্যৰ চাহিদাৰ প্ৰায়ভাগ অংশই পূৰণ কৰে ভূ-তলজল। উদ্যোগ আৰু কলকাৰখানা বোৰতো ভূ-তলজল ব্যৱহাৰ হয়। কৃষি কাৰ্যত জলসিঞ্চনৰ বাবে ভূ-তলজল অতি প্ৰয়োজনীয়।

৭। অসমৰ  এখন নক্সা অংকণ কৰি পাঠত দিয়া মানচিত্ৰ আৰু ভূ চিত্ৰাৱলীৰ সহায়ত তলত দিয়াবোৰ বহুওৱা।
(ক) ৩টা খাৰুৱা তেলৰ পুং।
(খ) ৩টা কয়লা খনি ।
(গ) ২টা তেল শোধনাগাৰ।
(ঘ) চূণশিল পোৱা এখন ঠাই।
(ঙ) তাৰা বিল, শিৱসাগৰ পুখুৰী।
(চ) এটি নদী বন্দৰ।
(ছ) সোৱণশিৰি, পাগলাদিয়া , দিখৌ, ধনশিৰি, জাতিঙ্গা, ধলেশ্বৰী , উপনৈ।
উত্তৰ:- চিত্ৰ ৭.১ আৰু ৭.২ চোৱা।

১। সম্পদ বুলিলে কি বুজা? সম্পদৰ প্ৰধান ভাগ কেইটা আৰু কি কি? লিখা।
উত্তৰ:- মানুহৰ দৈনন্দিন জীৱনৰ চাহিদা পূৰাবলৈ বিভিন্ন সা-সামগ্ৰী বা দ্ৰব্যৰ প্ৰয়োজন হয়। মানুহৰ এনে প্ৰয়োজন পূৰাবলৈ কোনো উৎসৰ পৰা আহৰণ কৰিব পৰা দ্ৰব্য বা সামগ্ৰীয়ে সম্পদ।
সম্পদ তিনি প্ৰকাৰৰ-
(i) প্ৰাকৃতিক সম্পদ
(ii) মানৱ সম্পদ আৰু
(iii) মানৱ সৃষ্ট সম্পদ।

২।‘মানৱ‌ শ্ৰেষ্ঠতম জৈৱিক সম্পদ।' যুক্তি দৰ্শাই লিখা।
উত্তৰ:- মানুহে প্ৰকৃতিক সম্পদসমূহৰো উপযুক্ত ব্যৱহাৰ সংৰক্ষণ আদিৰ ক্ষেত্ৰত বৃদ্ধি-বৃত্তি খটুৱাই উৎকৰ্ষ সাধন কৰিব পাৰে। সেই ফালৰ পৰা চাবলৈ গ'লে ব্যক্তিৰ বুদ্ধিমত্তা,কৰ্মদক্ষতা আৰু কৌশল উৎপাদন ক্ষমতা আৰু কৰ্মৰ আচৰণবিধিয়ে দেশ এখনৰ সমৃদ্ধিৰ বা উন্নতিৰ প্ৰধান কাৰক বুলিব পাৰি।সেয়েহে মানৱ শ্ৰেষ্ঠতম জৈৱিক সম্পদ।

৩। তুমি জনা প্ৰাকৃতিক সম্পদবোৰ কি? সেইবোৰৰ সংৰক্ষণ ব্যৱস্থা সম্পৰ্কে চমুকৈ লিখা।
উত্তৰ:- যিবোৰ সম্পদ প্ৰকৃতিৰ পৰা আহৰণ কৰা হয়, সেয়াই প্ৰাকৃতিক সম্পদ। প্ৰাকৃতিক সম্পদবোৰ হ'ল-
(i) নবীঅৰণক্ষম সম্পদ,
(ii) অ-নবীকৰণক্ষম সম্পদ,
(iii) জৈৱিক সম্পদ,
(iv) অজৈৱিক সম্পদ,
(v) সৰ্বব্যাপী সম্পদ,
(vi) স্থানভিত্তিক সম্পদ,
(vii) প্ৰকৃত সম্পদ আৰু
(viii) সম্ভাৱনাপূৰ্ণ সম্পদ।

৪। দীৰ্ঘম্যাদী উন্নয়ন বুলিলে কি বুজা? দীৰ্ঘম্যাদী উন্নয়ন কিয় প্ৰয়োজন? লিখা।
উত্তৰ:-  মানুহৰ জীৱনৰ প্ৰয়োজনীয়তা বৰ্তমান আৰু ভবিষ্যত উভয়তে পূৰাব পৰা ব্যৱসায়ক দীৰ্ঘম্যাদী উন্নয়ন বুজায়।
     সম্পদৰ উপযুক্ত ব্যৱহাৰ আৰু বিতৰণ নহ'লে উঠি অহা প্ৰজন্মই সেই সম্পদৰ সুবিধাখিনি নোপোৱাৰে সম্ভাৱনা অধিক। এইবোৰ বিষয় চালি জাৰি চাই কব পাৰি যে সম্পদ সংৰক্ষণৰ বাবে দীৰ্ঘম্যাদী উন্নয়ন প্ৰয়োজনীয়তা আছে।

৫। পাৰ্থক্য লিখি উলিওৱা

(ক) নবীকৰণক্ষম সম্পদ আৰু অ-নবীকৰণক্ষম সম্পদ
উত্তৰ:- যিবোৰ সম্পদ মানুহে অহৰহ ব্যৱহাৰ কৰি থাকিলেও শেষ হৈ নাযায়,তেনে সম্পদকেই নবীকৰণক্ষম সম্পদ বোলে। যেনে-মাটি, পানী,বায়ু।
      অনবীকৰণক্ষম সম্পদ প্ৰকৃতিৰ পৰা এবাৰ আহৰণ কৰাৰ পিছত পুনৰ সৃষ্টি নহয় আৰু প্ৰকৃতিয়েই এইবোৰ পুনৰ উৎপাদন নকৰে। যেনে-খনিজ পদাৰ্থ,তাম,লো, জীৱাশ্ম।

(খ) সৰ্বব্যাপী সম্পদ আৰু স্থানভিত্তিক সম্পদ
উত্তৰ:- সকলোতে পোৱা সম্পদবোৰক সৰ্বব্যাপী সম্পদ বোলে। যেনে-বায়ু।
      এক নিৰ্দিষ্ট পৰিৱেশ আৰু অৱস্থাক স্থানভিত্তিক সম্পদসমূহ পোৱা যায়। যেনে-লোৰ,আকৰ, কয়লা।

(গ) প্ৰকৃত সম্পদ আৰু সম্ভাৱনাপূৰ্ণ সম্পদ
উত্তৰ:- মানুহে সদব্যৱহাৰ কৰি আৰু কামত লগাই প্ৰকৃতিৰ পৰা ইতিমধ্যে যিবোৰ সম্পদ আহৰণ কৰিছে সেইবোৰেই প্ৰকৃত সম্পদ। যেনে- কয়লা।
      যিবোৰ সম্পদ আমাৰ ভবিষ্যত উন্নয়নত সহায় কৰাৰ সম্ভাৱনীয়তা অধিক আৰু ইয়াৰ ব্যৱহাৰে তেনে সম্ভাৱনীয়তা উমান দিয়ে,তেনেবোৰক সম্ভাৱনাপূৰ্ণ সম্পদ বোলে। যেনে- বনৌষধি ক্ষেত্ৰত থকা সম্ভাৱনা।

৬। শুদ্ধ উত্তৰটো লিখা-

(ক) সম্পদ হ'বলৈ হ'লে তলৰ কোনটো প্ৰয়োজন নহয়?
(i) পৰিমাণ
(ii) প্ৰয়োজন পূৰাব পৰা সামগ্ৰী
(iii) ব্যৱহাৰৰ বাবে উপযোগী
উত্তৰ:- (i) পৰিমাণ।

(খ) তলৰ কোনটো মানৱসৃষ্ট সম্পদ নহয়?
(i) পৰ্বত-পাহাৰ
(ii) থকা ঘৰ
(iii) জলবিদ্যুৎ
উত্তৰ:- (i) পৰ্বত-পাহাৰ।

১। কেৱল উত্তৰ লিখা-

(ক) পৰিৱেশক ঘাইকৈ কেইটা ভাগত ভগাব পাৰি?
উত্তৰ:- পৰিৱেশক ঘাইকৈ দুটা ভাগত ভগাব পাৰি।

(খ) মানুহৰ উপকাৰত অহা আৰু আৰ্থিক মূল্য থকা বস্তুবোৰক কি বোলে?
উত্তৰ:- মানুহৰ উপকাৰত অহা আৰু আৰ্থিক মূল্য থকা বস্তুবোৰক সম্পদ বোলে।

(গ) ভাৰত চৰকাৰৰ কোনটো মন্ত্ৰাণালয়ে দেশৰ মানৱ সম্পদ উন্নয়নৰ দিশটো চোৱা-চিতা কৰে।
উত্তৰ:- ‘মানৱ উন্নয়নৰ মন্ত্ৰাণালয়ে।'

(ঘ) ভূ-প্ৰকৃতিৰ ভিত্তিত অসমক কেইটা ভাগত ভগোৱা হৈছে?
উত্তৰ:- ভূ-প্ৰকৃতিৰ ভিত্তিত অসমক দুটা ভাগত ভগোৱা হৈছে।

(ঙ) উত্তৰ কাছাৰ পাৰ্বত্য জিলাক বৰ্তমান কি নামেৰে জনা যায়?
উত্তৰ:- উত্তৰ কাছাৰ পাৰ্বত্য জিলাক বৰ্তমান ডিমা-হাছাও নামেৰে জনা যায়।

২। খালী ঠাই পূৰ কৰা-

(ক) মানৱ সৃষ্ট পৰিৱেশক___ পৰিৱেশো বোলা হয়।
উত্তৰ:- সাংস্কৃতিক।

(খ) শাৰীৰিক আৰু মানসিকভাৱে কাম কৰিবলৈ সক্ষম ব্যক্তিক___ সম্পদ বোলে।
উত্তৰ:- মানৱ।

(গ) আন সকলো সম্পদৰ তুলনাত মানৱ সম্পদ ___ সম্পদ।
উত্তৰ:- শ্ৰেষ্ঠ।

(ঘ) অসম দক্ষিণ ___ মৌছুমী জলবায়ুৰ গতি পথত অৱস্থিত।
উত্তৰ:- পশ্চিম।

(ঙ) অসমৰ কৃষি উৎপাদিত শস্যক ___ প্ৰধান ভাগত ভাগ কৰিব পাৰি।
উত্তৰ:- তিনিটা।

৩। শুদ্ধ উত্তৰটো বাছি লিখা-

(ক) মানৱ সৃষ্ট পৰিৱেশৰ উপাদান এটা হ'ল গছ-গছনি/বাসগৃহ।
উত্তৰ:- বাসগৃহ।

(খ) জাপান পৃথিৱীৰ ভিতৰত উল্লেখযোগ্য উদ্যোগ প্ৰধান/কৃষি প্ৰধান দেশ।
উত্তৰ:- উদ্যোগ প্ৰধান।

(গ) অসমৰ নদী উপত্যকা অঞ্চলৰ বাসিন্দাসকলৰ মুখ্য জীৱিকা চাকৰি/ কৃষি।
উত্তৰ:- কৃষি।

(ঘ) পাহাৰীয়া অঞ্চলত জনবসতি ঘন/ সেৰেঙা।
উত্তৰ:- সেৰেঙা।

(ঙ) কাৰ্বি আংলং/উত্তৰ কাছাৰ পাৰ্বত্য জিলাৰ বৰ্তমান নাম ডিমা-হাছাও।
উত্তৰ:- উত্তৰ কাছাৰ।

৪। শুদ্ধ/ অশুদ্ধ লিখা-

(ক) মানৱ সৃষ্ট পৰিৱেশক কৃত্ৰিম পৰিৱেশ হিচাপেও জনা যায়।
উত্তৰ:- অশুদ্ধ।

(খ) প্ৰাকৃতিক পৰিৱেশৰ উপাদানসমূহ ব্যৱহাৰ কৰি মানৱ সৃষ্ট পৰিৱেশৰ উপাদানসমূহ সৃষ্টি কৰা হয়।
উত্তৰ:- শুদ্ধ।

(গ) মানৱ সৃষ্ট পৰিৱেশ পৰিৱৰ্তনশীল।
উত্তৰ:- শুদ্ধ।

(ঘ) শাৰীৰিক আৰু মানসিকভাৱে উৎপাদনমুখী কাম কৰিবলৈ সক্ষম ব্যক্তিসকল মানৱ সম্পদ।
উত্তৰ:- শুদ্ধ।

(ঙ) ভূ-প্ৰকৃতিৰ ভিত্তিত অসমক দুটা সুকীয়া ভূ-খন্ডত বিভক্ত কৰিব পাৰি।
উত্তৰ:- শুদ্ধ।

৫। চমু উত্তৰ লিখা-

(ক) সমাজ উন্নয়নত মানৱ সম্পদৰ ভূমিকা।
উত্তৰ:- যি সকল ব্যক্তিক শাৰীৰিক আৰু মানসিকভাৱে কোনো উৎপাদনমুখী কাম কৰি সমাজৰ বিকাশৰ অৰিহনা আগবঢ়াবলৈ সক্ষম সেই সকল ব্যক্তি মানৱ সম্পদ। মানুহৰ বিভিন্ন কাম-কাজে মানৱ সভ্যতাৰ উত্তৰণ ঘটাইছে। মানুহে উদ্ভাৱন কৰা বিভিন্ন সা-সামগ্ৰীয়ে আমাৰ জীৱন-ধাৰণৰ মান উন্নত কৰি তুলিছে।

(খ) অসমৰ জনবসতি বিস্তাৰৰ ওপৰত নদী উপত্যকাৰ সমভূমিৰ প্ৰভাৱ।
উত্তৰ:- ব্ৰহ্মপুত্ৰ আৰু বৰাক নদী আৰু ইয়াৰ উপনৈৰে গঠিত উপত্যকা অঞ্চলৰ ভূ-প্ৰকৃতি প্ৰায় সমান। এই দুয়োটা উপত্যকা নদীৰ পলসুৱা মাটিৰে গঠিত আৰু কৃষি-কাৰ্যৰ উপযোগী। ইয়াত মানুহৰ মুখ্য জীৱিকা কৃষি। এই অঞ্চলত পৰিবহণ  উন্নত।ঠায়ে ঠায়ে কিছুসংখ্যক শিল্প-উদ্যাগ গঢ়ি উঠিছে।

৬। উত্তৰ লিখা-

(ক)মানৱ সৃষ্ট পৰিৱেশ কাক বোলে আৰু ইয়াৰ উপাদানসমূহ কি কি?
উত্তৰ:- কোনো এখন ঠাইত যি এক সুকীয়া পৰিস্থিতি সৃষ্টি কৰে তাকে সেই ঠাইখনৰ মানৱ সৃষ্ট পৰিৱেশ বোলে। ইয়াৰ উপাদানসমূহ হ'ল- ৰাস্তা,ঘাট,দলং, বাসগৃহ, উদ্যোগ, পৰিয়াল, সামাজিক ৰীতি-নীতি,কৃষ্টি-সংস্কৃতি, ধৰ্মীয় আচৰণ, শিক্ষা-ব্যৱস্থা, ৰাজনৈতিক কাম-কাজবোৰো মানৱ সম্পদৰ উপাদান।

(খ) কি কি কাৰণত অসমত বানপানী হয়।
উত্তৰ:-১।অসমৰ নদীসমূহে পাহাৰীয়া উপতি অঞ্চলত হোৱা ভূমি ক্ষয়ৰ মাটি,শিল বালিবোৰ বোৱাই আনি সমভূমি অংশৰ তলি ভাগত জমা কৰে।এই ধৰণে নদীসমূহ বাম হৈ পৰিছে আৰু পানী বহন ক্ষমতা হ্ৰাস পাইছে। ইয়াৰ বাবে সঘনাই বানপানীৰ সৃষ্টি হয়।
২। ব্ৰহ্মপুত্ৰ আৰু ইয়াৰ উত্তৰ পাৰে থকা উপনৈসমূহে বাৰিষা বৰষুণৰ পানীৰ উপৰিও হিমালয়ৰ বৰফগলা অতিৰিক্ত পানী বহন কৰে,যাৰ বাবে দুয়োপৰ উপচিপৰি বানপানীৰ সৃষ্টি হয়।

১। কেৱল উত্তৰ লিখা-

ক।পৰিৱেশ মানে কি?
উত্তৰ:- পৰিৱেশ হ'ল আমাৰ চাৰিওফালৰ উপাদানবিলাকৰ সম্বন্বয়ত গঢ়ি উঠা এক স্বাভাৱিক অৱস্থা।

খ।পৰিৱেশ কেই প্ৰকাৰৰ আৰু কি কি? উদাহৰণ
দি লিখা।
উত্তৰ:- পৰিৱেশ দুই প্ৰকাৰৰ-:
       ১। প্ৰাকৃতিক পৰিৱেশ আৰু
       ২।মানৱ সৃষ্ট পৰিৱেশ।

গ।পৰিৱেশৰ প্ৰধান উপাংশসমূহ কি কি?
উত্তৰ:- পৰিৱেশৰ প্ৰধান উপাংশসমূহ দুটা ভাগত ভগোৱা হৈছে-
         ১। জৈৱিক উপাংশ আৰু
         ২। অজৈৱিক উপাংশ।

ঘ।মানৱ সৃষ্ট পৰিৱেশ কেনেদৰে সৃষ্টি হয়?
উত্তৰ:- মানুহে নিজৰ সুবিধা মতে গঢ়ি তোলা পৰিৱেশেই হ'ল মানৱ সৃষ্ট পৰিৱেশ।

২। শুদ্ধ উত্তৰটো বাছি লিখা-

ক। কোনটো মানৱ সৃষ্ট পৰিৱেশৰ উপাদান নহয়?
১। মাটি
২। শিক্ষানুষ্ঠান
৩। পৰিবহণ ব্যৱস্থা
উত্তৰ:- মাটি।

খ। কোনটো প্ৰাকৃতিক পৰিৱেশৰ উপাদান নহয়?
১। পৰ্বত
২। ঘৰ
৩। নদী
উত্তৰ:- ঘৰ।

গ।তলৰ কোনবোৰে পৰিৱেশত ক্ষতি কৰে?
১। গছ-গছনি
২।কল-কাৰখানাৰ আৱৰ্জনা
৩।খাদ্য শস্যৰ বৃদ্ধি
৪। জনসংখ্যা বৃদ্ধি
৫। জীৱ-জন্তু নি:শেষ হ'লে
উত্তৰ:- ২। কল-কাৰখানাৰ আৱৰ্জনা,
       ৪। জনসংখ্যা বৃদ্ধি আৰু
       ৫। জীৱ-জন্তু নি:শেষ হ'লে।

৩। বাওঁফালৰ সৈতে সোঁফালৰ মিল থকা অংশ চিনেৰে মিলোৱা।

    বাওঁফাল                 সোঁফাল
ক।আমাৰ চৌপাশ।         ক। মাটি
খ।জলমন্ডল।              খ। বায়ু
গ।স্থলমন্ডল।               গ। পৰিৱেশ
ঘ।জীৱমন্ডল।              ঘ। পানী
ঙ। বায়ুমণ্ডল।             ঙ। জীৱজল
উত্তৰ:- ক আৰু গ।
       খ আৰু ঘ।
       গ আৰু ক।
       ঘ আৰু ঙ।
       ঙ আৰু খ।

৪। জৈৱিক উপাংশৰ উপাদানসমূহ কেনেদৰে পৰিৱেশৰ বৰ্তি থাকে ৮০টা মান শব্দৰ ভিতৰত লিখা।
উত্তৰ:- জৈৱিক উপাংশৰ সকলো উপাদানেই এটাৰ ওপৰত আনটো নিৰ্ভৰ কৰি পৰিৱেশত বাচি থাকে। উদাহৰণস্বৰূপে- সেউজীয়া উদ্ভিদ সৌৰশক্তি (সূৰ্যৰ,তাপ,পোহৰ)ৰ সহায়ত জীয়াই থাকে। তৃণভোজী প্ৰাণীয়ে ইহঁতক খাদ্য হিচাপে গ্ৰহণ কৰে।সেই প্ৰাণী মাংসাহাৰী প্ৰাণীয়ে খায়।যেনে-গৰু, ছাগলী,হৰিণা আদিয়ে ঘাঁহ খায়।

৫।  তুমি কেনেকুৱা পৰিৱেশত থাকিব বিচৰা চমুকৈ লিখা।(১০০টা মান শব্দৰ ভিতৰত লিখা।)
উত্তৰ:-১। পৰিৱেশত থকা প্ৰতিটো জীৱিত উপাদান যেনেকৈ ইটো সিটোৰ লগত পৰস্পৰ সম্পৰ্ক ৰক্ষা কৰি চলে। আমিও প্ৰত্যেক তেনেকৈ আমাৰ চৌপাশৰ পৰিৱেশৰ লগত সহমৰ্মিতা দেখুওৱাটো উচিত।
২।আমি সম্পদৰ বহনক্ষমতাৰ ওপৰতো দৃষ্টি ৰখা উচিত। আমাৰ হাতত থকা সমল বা সম্পদবোৰ
এনেধৰণে। ব্যৱহাৰ কৰা উচিত যাতে সেইয়া ভৱিষ্যত প্ৰজন্মৰ বাবে সংৰক্ষিত হৈ থাকে।