১)তলৰ গতিসমূহ সৰল  ৰৈখিক,  বৃত্তীয় বা দোলন গতিত শ্ৰেণীভূক্ত কৰা।
(ক) দৌৰি থকা অৱস্থাত তোমাৰ হাতৰ গতি।
(খ) এটা পোন ৰাস্তাৰে বাগী টানি থকা ঘোঁৰাৰ গতি।
(গ) ঘূৰণ -দোলনাত উঠি থকা অৱস্থাত শিশু এটাৰ গতি।
(ঘ) ঢেঁকী   পাতত উঠি থকা অৱস্থাত শিশু এটাৰ গতি।
(ঙ) বৈদ্যুতিক ঘণ্টাৰ হাতুৰীৰ গতি ।
(চ) এখন পোন দলঙত ৰেলৰ গতি।

উত্তৰ:- (ক) দোলন গতি।
                (খ) সৰল ৰৈখিক গতি।
                (গ) বৃত্তীয় গতি।
                (ঘ) দোলন গতি।
                (ঙ) দোলন গতি।
                (চ) সৰল ৰৈখিক গতি।

২/ তলৰ কোনবোৰ উক্তি শুদ্ধ / অশুদ্ধ বিচাৰ কৰা।
(ক) সময়ৰ মৌলিক একক ছেকেণ্ড।
(খ) প্ৰত্যেক বস্তৱে ধ্ৰুৱক দ্ৰুতিৰে গতি কৰে।
(গ) দুখন চহৰৰ মাজৰ দূৰত্ব কিলোমিটাৰত জোখা হয় ।
(ঘ) এটা প্ৰদত্ত দোলকৰ পৰ্যায়কাল ধ্ৰুৱক নহয়।
(ঙ) এখন ৰেলৰ দ্ৰুতি মি./ঘ.ত প্ৰকাশ কৰা হয়।

উত্তৰ:- (ক) শুদ্ধ।
               (খ) অশুদ্ধ।
               (গ) শুদ্ধ।
               (ঘ) অশুদ্ধ।
               (ঙ) শুদ্ধ।
               
৩/ এটা সৰল দোলকে ২০বাৰ দুলিবলৈ ৩২ছেকেণ্ড সময় লয়। দোলকটোৰ পৰ্য্যায়কাল নিৰ্ণয়  কৰা ।
উত্তৰ:- ইয়াত দিয়া আছে,
                         দোলকৰ সংখ্যা =২০ বাৰ
                           দোলনৰ সময় = ৩২ছেকেণ্ড
 আমি জানো যে  , পৰ্যায়কাল= দোলনৰ  সময় /  দোলনৰ সংখ্যা
                  এতেকে নিৰ্ণয় পৰ্যায়কাল = ২০/১৬
                  পৰ্যায়কাল = ১.৬ ছেকেণ্ড।

৪/ দুটা আস্থানৰ মাজৰ দূৰত্ব ২৪০ কি.মি .। এখন ৰেলে এই দূৰত্ব অতিক্ৰম কৰিবলৈ ৪ ঘণ্টা সময় লয়। ৰেলখনৰ দ্ৰুতি নিৰ্ণয় কৰা।
উত্তৰ:- দিয়া আছে ,
                                    আস্থানৰ মাজৰ দূৰত্ব= ২৪০ কি.মি
                                    সময়                      = ৪ঘণ্টা
                                    ৰেলখনৰ দ্ৰুতি        = ?
  আমি জানো যে,       দ্ৰুতি =  দূৰত্ব/ সময়
                                           দ্ৰুতি = ২৪০/৪ কি.মি./ঘণ্টা
                                           দ্ৰুতি = ৬০ কি.মি./ঘণ্টা ।

১/ খালী ঠাই পূৰ কৰা-
(ক) উদ্ভিদৰ অংগজ অংশৰ পৰা এজোপা নতুন উদ্ভিদৰ সৃষ্টি হোৱাক ____বোলে ।
(,খ) এপাহ ফুলত পুং বা স্ত্ৰী জনন যিকোনো এটা অংগ থাকিলে এনেকুৱা ফুলক ____বোলে।
(গ) একে ধৰণৰ ফুল এপাহৰ পুং কেশৰৰ পৰা পৰাগ ৰেণু একেপাহ বা একেধৰণৰ আন এপাহৰ গৰ্ভমুণ্ডলৈ স্থানান্তৰিত হোৱাকে ____বুলি জনা যায়।
(ঘ) পুং আৰু স্ত্ৰী জনন কোষ মিলনক ____ বোলে।
(ঙ) বীজৰ বিস্তাৰণ _____ ,_____ আৰু_____জৰিয়তে হয়।     

উত্তৰ:- (ক) অংগজ প্ৰজনন।
               (খ) এক লিংগী ফুল।
               (গ) পৰাগযোগ।
               (ঘ) নিষেচন ।
               (ঙ) বতাহ, পানী আৰু প্ৰাণী।
 

২/ অযৌন প্ৰজননৰ বিভিন্ন পদ্ধতিবোৰ বৰ্ণনা কৰাৰ লগতে উদাহৰণ দিয়া।  
উত্তৰ:- অযৌন প্ৰজননৰ বিভিন্ন পদ্ধতিবোৰ হ'ল-  
(ক) অংগজ বংশ বিস্তাৰ- ই এক ধৰণৰ অযৌন প্ৰজনন যত নতুন উদ্ভিদবোৰ শিপা, কাণ্ড, পাত আৰু মুকুলৰ পৰা পোখা মেলি সৃষ্টি হয়।
(খ) মুকুলন - এককোষী জীৱ ইষ্ট ,হাইড্ৰাইড মুকুলৰ পদ্ধতিৰে বংশ বিস্তাৰ কৰে। ইষ্টকোষটোৰ পৰা  সৰু টেমুনাৰ দৰে ওলাই অহা অংশ বোৰক মুকুল বোলে।
(গ) বিভাজন - সৰ্পিল শেলাই বোৰে এই প্ৰক্ৰিয়াৰ বংশ বিস্তাৰ কৰে। যেতিয়া পানী আৰু পোষক দ্ৰব্য যথেষ্ঠ পৰিমানে পায় তেতিয়া শেলাইবোৰৰ বৃদ্ধি হয় আৰু বিভাজনৰ দ্বাৰা ইহঁত খৰতকীয়াকৈ সংখ্যাত বাঢ়ি যায়। কোনো এবিধ শেলাই দুই বা ততোধিক টুকুৰালৈ বিভাজন হ'ব পাৰে।
(ঘ) ৰেণু গঠন - ঢেকীয়াই  ৰেণু গঠনৰ দ্বাৰা প্ৰজনন কৰে। এই ৰেণুবোৰ হ'ল অযৌন প্ৰজনন অংগ। প্ৰতিটো ৰেণু প্ৰতিকূল অৱস্থা যেনে উচ্চ উষ্ণতা আৰু নিম্ন আদ্ৰতা আদি পৰা ৰক্ষা পাবলৈ এখন কঠিন ৰক্ষাকাৰী আৱৰণৰ দ্বাৰা আবৃত হৈ থাকে।

৩/ যৌন প্ৰজনন বুলিলে  তুমি কি বুজা বহলাই লিখা।
উত্তৰ:- যৌন প্ৰজননত পুংজনন আৰু স্ত্ৰী জনন কোষৰ মিলন ঘটে। পুং আৰু স্ত্ৰী জনন কোষৰ মিলনক নিষেচন বোলে আৰু ইয়াৰ ফলত যোজন কোষ গঠন হয় পৰৱৰ্তী  সময়ত যোজন কোষটো ভ্ৰণলৈ বিকশিত হয়।

১। দৌৰ শেষ হোৱাৰ পিছত খেলুৱৈ এজনে সাধাৰণতে লোৱাতকৈ বেছি খৰকৈ আৰু দীঘলীয়াকৈ কিয় উশাহ-নিশাহ লয়?
উত্তৰ:- কাৰণ দৌৰাৰ সময়ত খেলুৱৈ এজনক বেছি শক্তিৰ প্ৰয়োজন হয় ।সেই শক্তি উৎপন্ন কৰিবৰ বাবে যথেষ্ঠ পৰিমানৰ অক্সিজেনৰ আৱশ্যক হয় ।

২।বায়বীয় আৰু অবায়বীয় শ্বসনৰ সাদৃশ্য আৰু পাৰ্থক্যৰ তালিকা কৰা।
উত্তৰ:- ১।বায়বীয় শ্বসন অক্সিজেনৰ উপস্থিতিত সংঘটিত হয় কিন্তু অবায়বীয় শ্বসন অক্সিজেনৰ    অনুউপস্থিতিত সংঘটিত হয় ।
২।বায়বীয় শ্বসন লেহেমীয়া প্ৰক্ৰিয়া কিন্তু অবায়বীয়
শ্বসন ক্ষৰতমীয়া প্ৰক্ৰিয়া ।

৩। যেতিয়া আমি উশাহত অতি বেছি ধূলিকণা যুক্ত বায়ু গ্ৰহণ কৰো , তেতিয়া আমি কিয় সঘনাই হাচিয়াও?
উত্তৰ:-উশাহত গ্ৰহণ কৰা বায়ুত থকা ধুলিকণাবোৰে যেতিয়া নাস্ৰকা গহ্বৰৰ নোমবোৰ অতিক্ৰম কৰি ভিতৰলৈ সোমাই যায় ফলস্বৰূপে হাঁচি আহে ।

৪। তিনিটা পৰীক্ষানলী লোৱা । প্ৰত্যেকটোৰ ৩/৪অংশ পানীৰে ভৰাই লোৱা। ক,খ, আৰু গ, নামেৰে লেবেল লগাই লোৱা । ক, পৰীক্ষানলীত এটা শামুক লোৱা ,খ, পৰীক্ষা নলীত এটা জলজ উদ্ভিদ আৰু গ, পৰীক্ষানলীত উদ্ভিদ , শামুক দুয়োটাকে ভৰাই লোৱা।কোনটো পৰীক্ষানলীত কাৰ্বনডাই অক্সাইডৰ পৰিমাণ আটাইতকৈ বেছি হ'ব ?
উত্তৰ:- ক পৰীক্ষানলীত‌ কাৰ্বনডাই-অক্সাইডৰ পৰিমাণ আটাইতকৈ বেছি ।

৫। সঠিক উত্তৰত চিন দিয়া।
ক। পইতাচোৰাৰ শৰীৰলৈ _____ৰ যোগেদি বায়ু সোমাই আহে।
১। হাওঁফাওঁ।
২। ফুল
৩। বায়ু ছিদ্ৰ।
৪। ছাল।
উত্তৰ:- বায়ু ছিদ্ৰ ।

খ। গধুৰ ব্যায়ামৰ সময়ত আমাৰ ভৰিত জমা হোৱা ___ৰ বাবে সিৰামূৰি ধৰে।
১। কাৰ্বন- ডাই অক্সাইড
২। লেকটিক এছিড।
৩। এলক'হল।
৪। পানী।
উত্তৰ:- লেকটিক এছিড ।

গ। এজন প্ৰাপ্ত বয়স্ক মানুহৰ জিৰণিৰ সময়ত প্ৰতি মিনিটত স্বাভাৱিক উশাহ-নিশাহৰ হাৰৰ গড় বিস্তৃতি
১। ৯-১২।
২।১৫-১৮।
৩। ২১-২৪।
৪। ৩০-৩৩।
উত্তৰ:- ১৫-১৮ ।

ঘ। নিশাহৰ সময়ত কামিহাড়বোৰ__
১। বাহিৰলৈ গতি কৰে।
২। তললৈ গতি কৰে।
৩। ওপৰলৈ গতি কৰে।
৪। কোনো ধৰণৰ লৰচৰ নকৰে।
উত্তৰ:- তললৈ গতি কৰে ।

৬। স্তম্ভ ১ৰ লগত স্তম্ভ ২ মিলোৱা ।
       স্তম্ভ১।                              স্তম্ভ২
    ক। ইষ্ট।                    ১। কেঁচু
    খ। মধ্যচ্ছদা             ২। ফুল
    গ। ছাল।                  ৩।এলক'হল
    ঘ। পাত                   ৪। বক্ষ গহ্বৰ
    ঙ। মাছ।                  ৫। পত্ৰৰন্ধ্ৰ
    চ। ভেকুলী               ৬। হাওঁফাওঁ আৰু ছাল
                                   ৭।শ্বাসনলী
উত্তৰ:-   ক আৰু ৩।
              খ আৰু ৪।
              গ আৰু ১।
              ঘ আৰু ৫।
              ঙ আৰু ২।
               চ আৰু ৬।